रसुवा– रसुवा भन्सार कार्यालयमा असोज महिनामा लक्ष्यभन्दा झन्डै ४ सय प्रतिशत बढी राजश्व संकलन भएको छ। असोज महिनामा मात्रै २ अर्ब ३२ करोड ६९ लाख ७६ हजार रुपैयाँ राजश्व सङ्कलन गरिएको भन्सार प्रमुख गोपाल कोईरालाले बताए। यो लक्ष्यभन्दा ३ सय ८७ दशमलव २२ प्रतिशत बढी हो।
_x000D_
_x000D_
भन्सार कार्यालयले असोजमा मात्रै ६० करोड ९ लाख ३८ हजार राजश्व उठाउने लक्ष्य राखेको थियो। चालू आर्थिक वर्ष २०७५/०७६ को पहिलो दुई महिनामा लक्ष्य अनुसारको राजश्व सङ्कलन हुन सकेको थिएन।
_x000D_
_x000D_
तर आर्थिक वर्षको पहिलो ३ महिनाको राजश्व असुलीलाई हेर्ने हो भने लक्ष्य भन्दा धेरै राजश्व संकलन भएको छ। साउन महिनामा लक्ष्यको ५२ प्रतिशत र भदौमा ३१ दशमलव ६१ प्रतिशत राजश्व सङ्कलन गरिएको थियो। साउनमा ५० करोड ९० लाख ३८ हजार रुपैयाँ लक्ष्य राखेकोमा २६ करोड ४ लाख ७७ हजार रुपैयाँ उठेको थियो। भदौमा ९२ करोड २५ लाख लक्ष्य राखिएकोमा २९ करोड १५ लाख ७९ हजार रुपैयाँ मात्रै उठेको कार्यालयले जनाएको छ।
_x000D_
_x000D_
चालू आर्थिक वर्षको पहिलो तीन महिनामा २ अर्ब २ करोड ४३ लाख ७६ हजार राजश्व उठाउने कार्यालयको लक्ष्य थियो। सो अवधिमा लक्ष्यभन्दा १ सय ४२ दशमलव २२ प्रतिशत बढी राजश्व उठेको भन्सार अधिकृत तथा सूचना अधिकारी धर्मराज सुवेदीले बताए।
_x000D_
_x000D_
पछिल्लो तीन महिनामा २ अर्ब ८७ करोड ९० लाख ३२ हजार रुपैयाँ असुली गरिसकेको पनि उनले बताए। यो रकम वार्षिक लक्ष्यको ४० प्रतिशत हुन आउँछ। कार्यालयले चालू आर्थिक वर्षका लागि कुल ७ अर्ब १५ करोड ६२ लाख ५५ हजार रुपैयाँ राजश्व असुली गर्ने लक्ष्य लिएको छ। वर्षाको समयमा बाढीपहिरोले एक महिनासम्म सडक अवरुद्ध गर्दा घाटा बेहोरेको कार्यालयले राजश्व असुली सन्तुलनमा ल्याइसकेको छ।
_x000D_
_x000D_
तातोपानी नाका बन्द भएपछि रसुवागढी नाकाबाट निकासी, पैठारी बढेसँगै भन्सार असुली पनि बढेको हो। कार्यालयले निकासी, पैठारी, महसुल, सेवा शुल्क, कृषि सुधार, अन्तः शुल्क भ्याट लगायतका शिर्षकमा भन्सार असुली गर्ने गर्दछ।
_x000D_
_x000D_
चाडपर्वहरु नजिकिएसँगै व्यापारीले चाडपर्वलाई लक्षित गरेर सामग्री आयात गर्दा पनि भन्सार असुलीमा वृद्धि आएको हो। यसका साथै जाडोयाम सुरु भएसँगै न्यानो कपडाको आयातसमेत बढेको भन्सार प्रमुख कोइरालाले बताए।
_x000D_
_x000D_
हाललाई चीन जोड्ने एक मात्र नाकाको रुपमा रसुवागढी नाका सञ्चालनमा रहेकाले पनि व्यापारिक कारोबारमा बढोत्तरी आएको हो। चीनको केरुङबाट रसुवागढी नाका हुँदै अहिले नेपालतर्फ रेडिमेड कपडा, कम्मल, घडी, जुत्ता, चप्पल, स्याउ, विद्युतीय लगायतका सामाग्रीहरु भित्रिने गरेको छ भने नेपालबाट केरुङतर्फ हस्तकलाका सामाग्रीहरु, जडिबुटीलगायत पैठारी हुने गरेको छ।
_x000D_
_x000D_
२०७१ सालदेखि औपचारिक रुपमा रसुवागढी नाका सञ्चालनमा आएको हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1762685028.png)
-1758539596-1762682671.jpeg)
