सिन्धुलीमा पोलमा बाँधेर महिलामाथि कुटपिट, श्रीमान्‌सहित ७ जना पक्राउ

सुरक्षा/अपराध

नेपाल लाइभ मंगलबार, पुस १०, २०८० १७:११

काठमाडौं– सिन्धुलीको कमलामाई नगरपालिका–४ मा बिजुलीको पोलमा बाँधेर एक महिलालाई कुटपिट गरेको आरोपमा सात जना पक्राउ परेका छन्। लेनदेनको विषयमा महिलालाई पोलमा बाँधेर कुटपिट गरेको आरोपमा पीडित महिलाका श्रीमान्‌सहित सात जना पक्राउ परेका हुन्।

कमलामाई–४ कि महिला शारदा थापामाथि अमानवीय तरिकाले कुटपिट भएको पाइएपछि सात जनालाई पक्राउ गरेर अनुसन्धान अघि बढाइएको जिल्ला प्रहरी कार्यालय सिन्धुलीका एसपी राजकुमार सिलवालले जानकारी दिए। पक्राउ परेकाहरुको विवरण प्रहरीले सार्वजनिक गरेको छैन।

आइतबार ती महिलालाई पोलमा बाँधेर कुटपिट भएको जानकारी पाएपछि प्रहरी घटनास्थल पुगेर महिलाको उद्धार गरेको थियो। शारदाका श्रीमान् सन्तोषले गाउँलेसँग ऋण लिएका थिए। पछि सन्तोष र शारदाको सम्बन्ध बिच्छेद (डिभोर्स) भएको थियो।

डिभोर्स भएपछि ऋणकै विषयमा गाउँले र उनका श्रीमान् समेत शारदालाई पोलमा बाँधेर कुटपिट भएको देखिएको एसपी सिलवालले बताए। पोलमा बाँधेर कुटपिट हुनभन्दाअघि समेत शारदाले श्रीमान्‌ले आफूलाई अपहरण गरेको भन्दै प्रहरीलाईसमेत जानकारी गराएकी थिइन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

काठमाडौँबाट हङकङ उडेका २८ यात्रुलाई ‘फुड पोइजन’, छानबिन समिति गठन

कुलमानले बुझाए स्पष्टीकरण, मन्त्रालयले लगाएका आरोपको खण्डन

लसएन्जलस: मृतकको संख्या १६ पुग्यो, आगो अझै अनियन्त्रित