सुरक्षा/अपराध

आरती साह मृत्यु प्रकरण: पति मोतिबाबु फेरि पक्राउ

नेपाल लाइभ सोमबार, पुस ९, २०८० १२:३२

काठमाडौं– आरती साहको मृत्य प्रकरणमा उनका श्रीमान् मोतिबावु साह पक्राउ परेका छन्। जिल्ला प्रहरी कार्यालय धनुषाले मोतिबाबुलाई पक्राउ गरेको हो।

सर्वोच्च आदलतका न्यायाधीशद्वय नहकुल सुवेदी र तिलप्रसाद श्रेष्ठको मंसिर २० गतेको इजलासले मोतिबाबुलाई पुर्पक्षका लागि थुनामै राख्न आदेश दिएको थियो। सर्वोच्चको उक्त आदेशछि मोतिबाबु पक्राउ परेका हुन्।

यो पनि पढ्नुहोस

आरती साह मृत्यु प्रकरण: श्रीमान् मोतीबाबुलाई पुर्पक्षका लागि थुनामा पठाउन सर्वोच्चको आदेश

आफ्नै घर जनकपुरधाम उपमहानगरपालिका–९ थापाचोकमा गत जेठ ७ गते मृत अवस्थामा फेला परेकी आरतीको हत्या भएको उल्लेख गर्दै माइती पक्षले जाहेरी दिएपछि प्रहरीले आरतीका पति मोतीबाबु साह र ससुरा मदनमोहन ब्याहुत सुडीलाई पक्राउ गरी अनुसन्धान गरेको थियो।

उनीहरुविरुद्ध जिल्ला सरकारी वकिल कार्यालय धनुषाले गत असार १ गते धनुषा जिल्ला अदालतमा ज्यान सम्बन्धी मुद्दा दायर गरेको थियो। अदालतले थुनछेक बहसपछि गत असार ५ गते आरतीका पति र ससुरालाई पुर्पक्षका लागि थुनामा पठाउने आदेश दिएको थियो।

यो पनि पढ्नुहोस

आरती साह मृत्यु प्रकरण: धनुषाका एसपी खड्कालाई हेडक्वार्टर तानियो

तर उच्च अदालत जनकपुरधामले तत्काल प्राप्त प्रमाणका आधारमा आरतीका पति र ससुरालाई थुनामा राख्न आवश्यक नदेखिएको भन्दै रिहा गर्ने आदेश दिएको थियो। सोहीविरूद्ध उक्त विवाद सर्वोच्च अदालतमा आएको थियो।

आरती र मोतीबाबुबीच असार २०७७ असार २९ गते विवाह भएको थियो। दाइजोको निहुँमा पति र ससुराले धेरै यातना दिँदा आरतीको मृत्यु भएको माइती पक्षको आरोप छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

कुलमानले बुझाए स्पष्टीकरण, मन्त्रालयले लगाएका आरोपको खण्डन

लसएन्जलस: मृतकको संख्या १६ पुग्यो, आगो अझै अनियन्त्रित

पोखरा महानगरका करार कर्मचारी नहटाउन उच्च अदालतको आदेश