ग्रीस पठाउने नाममा करिब १४ लाख ठगेर फरार भएका होमबहादुर पक्राउ

सुरक्षा/अपराध

नेपाल लाइभ शुक्रबार, मंसिर २९, २०८० १६:२८

काठमाडौं– ग्रीस पठाउने नाममा करिब १४ लाख रुपैयाँ ठगेर फरार भएका एक व्यक्ति पक्राउ परेका छन्।

काठमाडौं उपत्यका अपराध अनुसन्धान कार्यालयको टोलीले ठगेर फरार भएका होमबहादुर तामाङलाई पक्राउ गरेको हो।

गोरखाको पालुङटार नगरपालिका–९ घर भइ ललितपुर बस्दै आएका ५० वर्षीय तामाङले वैदेशिक रोजगारीमा ग्रीस पठाउने १३ लाख ८४ हजार रुपैयाँ ठगी गरेका थिए।

उनले लक्ष्मण सापकोटासहित दुई जनालाई ग्रीस पठाइदिन्छु भन्दै रकम लिएर ठगी गरेका थिए। ग्रीस जान १० लाख ५० हजार लाग्छ र मासिक कमाई १ लाख १५ हजार रुपैयाँ हुन्दै उनीहरुबाट पटक पटक गरी तामाङले १३ लाख ८४ हजार रुपैयाँ लिएको पाइएको अपराध अनुसन्धान कार्यालयका एसपी मिलन केसीले बताए।

पक्राउ परेका तामाङलाई कारबाहीका लागि वैदेशिक रोजगार विभाग ताहाचल पठाइएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

काठमाडौँबाट हङकङ उडेका २८ यात्रुलाई ‘फुड पोइजन’, छानबिन समिति गठन

कुलमानले बुझाए स्पष्टीकरण, मन्त्रालयले लगाएका आरोपको खण्डन

लसएन्जलस: मृतकको संख्या १६ पुग्यो, आगो अझै अनियन्त्रित