तस्करीको सुन गाल्ने कारखानाका सञ्चालकलाई हुण्डीमा म्याद थप, ७ किलो सुन बरामद

सुरक्षा/अपराध

नेपाल लाइभ बुधबार, मंसिर २०, २०८० १७:०७

काठमाडौं- नयाँ सडक (न्यूरोड)मा तस्करीको सुन गाल्ने कारखानाका सञ्चालक पदमप्रसाद पाण्डविरुद्ध म्याद थप गरिएको छ। काठमाडौं उपत्यका अपराध अनुसन्धान कार्यालयका एसएसपी तथा प्रमुख सोमेन्द्र सिंह राठौरले पाण्डेविरुद्ध ७ दिनको म्याद थप भएको बताए।

पाण्डेले न्युरोडमा ओमपाल गोल्ड ज्वेलर्स समेत सञ्चालन गर्दै आएका थिए। उनका अनुसार पाण्डेबाट ३९ लाख रुपैयाँ भन्दा बढी बरामद भएको र हुण्डी कारोबारी देखिएकाले हुण्डीको कसुरमा जिल्ला अदालतबाट म्याद थप भएको हो।

उक्त रकमका साथै प्रहरीले उनको कारखनाबाट सुन पनि बरामद गरेको थियो। बरामद गरिएको सुनको तौल ७ किलो १३५ ग्राम रहेको पाइएको प्रहरीले जनाएको छ। उक्त सुन राजश्व अनुसन्धान काार्यालयको जिम्मा लगाइने प्रहरीले तयारी गरेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

काठमाडौँबाट हङकङ उडेका २८ यात्रुलाई ‘फुड पोइजन’, छानबिन समिति गठन

कुलमानले बुझाए स्पष्टीकरण, मन्त्रालयले लगाएका आरोपको खण्डन

लसएन्जलस: मृतकको संख्या १६ पुग्यो, आगो अझै अनियन्त्रित