‘सतीदेवी’ को फर्स्टलुक पोस्टर सार्वजनिक, कलाकार तथा फिल्मकर्मीले गरे प्रशंसा

सिनेमा

नेपाल लाइभ बुधबार, मंसिर १३, २०८० १६:११

काठमाडौं- सामाजिक कथानक चलचित्र ‘सतीदेवी’ को फर्स्टलुक पोस्टर सार्वजनिक भएपछि विभिन्न कलाकार तथा फिल्मकर्मीहरुले प्रशंसा गरेका छन्। लक्ष्मण सुवेदीको लेखन, निर्माण र निर्देशनमा बनेको चलचित्रको फर्स्टलुक पोस्टरमा अभिनेत्री मलिका महत तनावग्रस्त अवस्थामा भाग्दै गरेको देखिन्छ।

‘सतीदेवी’ को फर्स्टलुकको प्रशंसा गर्दै दीपकराज गिरी, दिनेश डिसी, रेखा थापा, ऋचा शर्मा, पूजा शर्मा, केकी अधिकारी, वर्षा शिवाकोटी, सुरक्षा पन्त, गजित बिष्ट, प्रताप दासलगायतका सेलिब्रेटीले फेसबुकमा सेयर गरेका छन्। यसैगरी सरोज खनाल, स्वस्तिमा खड्का, पल शाह, वर्षा राउत, कुन्साङ बमजन लगायतले इन्स्टामा सेयर तथा शुभकामना व्यक्त गरेका छन्।

दिलासा कृएसन प्रालिले गोल्डेन स्टेट मुभी मेकर्स एलएलसी क्यालिफोर्नियासँगको सहकार्यमा निर्माण गरेको चलचित्रको स्क्रिप्ट र गीत निर्देशक सुवेदी स्वयंले लेखेका हुन्। दिलासा र सारा सुवेदीको प्रस्तुति रहेको चलचित्रको निर्मातामा श्रीदेवी सुवेदी छिन्।

मलिका शीर्ष भूमिकामा रहेको चलचित्रमा हर्षिका वली र मञ्जिला बाँनिया बालकलाकारको भूमिकामा रहेका छन्। चलचित्रमा कुलदीप अधिकारी, सिर्जना अधिकारी, सन्दीपबाबु लोहनी, रमेश बुढाथोकी, भोला सापकोटा, सुजिता शिवाकोटी, सन्देश लिम्बु, मनिषा सापकोटा, बिमल श्रेष्ठ, इश्वरी सिंह लगायतको अभिनय रहेको छ।

दीपक शर्मा र सुवास भुसालको संगीत रहेको चलचित्रका गीतमा प्रताप दास, दीपा लामा, ममता गुरुङ र सवीन सुवेदीको स्वर छ। बाबु श्रेष्ठले खिचेको चलचित्रको सम्पादन तारा थापा ‘किम्भे’ ले गरेका हुन् भने कोरियोग्राफी रामजी लामीछाने र पाश्र्व संगीत सम्राट थापाको छ। कुनाल कुँवरको कलर ग्रेडिङ रहेको चलचित्रको प्रदर्शन मिति छिट्टै सार्वजनिक गरिने निर्देशक सुवेदीले जानकारी दिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

शीतलनिवासमा पाँच राजदूतले लिए सामूहिक शपथ

निजी मेडिकल कलेजका आवासीय चिकित्सकलाई सरकारी प्रतिष्ठान सरह निर्वाह भत्ता दिन सिफारिस

सहकारी ठगी प्रकरण: रास्वपा सभापति लामिछानेसहितका प्रतिवादीको अदालतमा बयान सुरु हुँदै