टिकटक बन्द गर्ने निर्णय विरुद्धका रिटको पेसी सर्वोच्चका न्यायाधीश शर्माको इजलासमा

सूचना-प्रविधि

नेपाल लाइभ मंगलबार, मंसिर ५, २०८० १०:४६

काठमाडौं– ‘सर्ट टर्म भिडियो होस्टिङ’ सञ्जाल टिकटक बन्द गर्ने सरकारको निर्णयविरुद्ध दायर भएका रिट निवेदनहरुमाथि प्रारम्भिक सुनुवाइका लागि मंगलबारका लागि पनि पेसी तोकिएको छ। मंगलबार सर्वोच्च अदालतका न्यायाधीश विनोद शर्माको एकल इजलासमा पेसी परेको हो।

मन्त्रिपरिषद्‌को कात्तिक २७ गतेको बैठकले छोटा भिडियोहरु अपलोड गरिने सञ्जाल टिकटकले समाजमा नकारात्मक असर पारेको भन्दै बन्द गर्ने निर्णय गरेको थियो। सरकारको उक्त निर्णयविरुद्ध सर्वोच्च अदालतमा ११ थान रिट दायर भएका छन्।

टिकटक बन्द गर्ने सरकारको निर्णयले संविधानको धारा १७ को उपधारा (२) को (क) ले सुनिश्चित गरेको विचार तथा अभिव्यक्ति स्वतन्त्रतासम्बन्धी हकको उल्लंघन भएको दाबी रिटमा गरिएको छ। सरकारको उक्त निर्णय बदरका लागि अन्तरिम आदेश समेत रिटमा माग गरिएको छ।

तिहार बिदापछि अदालत खुलेको पहिलो दिन मंसिर १ गते, शुक्रबार १० थान रिट निवेदन दर्ता भएका थिए। यस्तै, छठ बिदापछि अदालत खुलेको पहिलो दिन, सोमबार थप १ थान रिट दायर भएको थियो।

टिकटक बन्द गर्ने निर्णयविरुद्धको रिटमा सोमबार प्रारम्भिक सुनुवाइ गर्ने गरी पेसी तोकिएको थियो। सोमबार न्यायाधीश कुमार चुडालको इजलासमा पेसी परे पनि हेर्न नभ्याउँदै हुँदै स्थगित भएको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

एक किलो एकसय ग्राम सुनसहित एकजना पक्राउ

एनपीएल पहिलो खेलः विराटनगर किङ्स कहाँ चुक्यो?

मलेसियामा बाढीका कारण एक लाख भन्दा बढी मानिस विस्थापित