अझै २० वर्ष राजनीतिमै हुन्छु, ७ र २ सत्ताइस जस्तो लाग्छ : ओली

राजनीति

नेपाल लाइभ सोमबार, कात्तिक १३, २०८० १७:२४

काठमाडौं- नेकपा एमालेका अध्यक्ष केपी शर्मा ओलीले आफू अझै २० वर्ष राजनीतिमा रहने बताएका छन्।

सोमबार पोखरामा एमाले गण्डकी प्रदेशको सपथग्रहण समारोहमा बोल्दै उनले त्यतिञ्जेल पदमा बस्ने वा नबस्ने भन्नेचाहिँ बेग्लै कुरा भएको बताए।

उनले आफ्नो बुवा अहिले तगडा भएकाले आफ्नै त कुरै गर्न नपर्ने बताए। ‘म लगभग १८ घण्टा काम गर्छु। आज पनि यहाँ आउँदाआउँदै एकछिन आराम गरेँ। किनभने मैले राति आराम गरेकै थिइनँ। थोरै मात्र आराम गरेको थिएँ। त्यसैले मौका मिलेको बेलामा एकछिन आराम गरौँ भने त भनेर बसेर आराम गरेँ थोरै। थोरै आराम गरेपछि फेरि रिफ्रेस भइहाल्छ। ठीक भइहाल्छ,’ उनले भने।

आफ्नो सक्रियतालाई जोड्दै ओलीले आफूलाई ७ र २, सत्ताइस जस्तो लाग्ने बताए। ओली अहिले ७२ वर्षका भए।

उनले शरीर जस्तो बनायो, त्यस्तै हुँदै जाने बताए। ‘त्यसलाई सुत्नै सिकायो भने सुत्नै जान्दछ। सुतिराख्छ। काम गर्न सिकायो भने काम गर्छ। थकाइ लाग्छ। तर आराम गरेपछि मर्छ’, उनले भने।

सम्बन्धित समाचारहरु

बुवा भर्खर बुढो हुन थाल्नुभयो, मेरो कुरै नगर्नुस् : ओली

'मरिहालोस् भन्ने विरोधी'लाई प्रधानमन्त्रीको जवाफ– अझै १५ वर्ष अखडामा हुन्छु

१५ वर्ष अखडामा रहन्छु भनेको चार वर्षपछि ओलीले भने- अझै २० वर्ष सक्रिय रहने विचार गरेको छु

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

मिडिया र सेलिब्रिटीले कसरी समाजलाई स्वस्थ बनाउन सक्छन्?

अर्थले काट्यो प्रदेश र स्थानीय तहमा जाने अनुदान

संसद बैठक नबसेको दिन समितिका काम कारबाही अघि बढाउन सभामुखको निर्देशन