काठमाडौं– टिभी रियालिटी शो ‘बिग बोस १७’ अक्टोबर १५ बाट प्रशारण हुँदैछ।
‘बिग बोस’का फ्यानहरू शोको लागि उत्सुकताका साथ पर्खिरहेका छन्। यसैबीच, ‘बिग बोस सिजन ५’ का हिस्सा रहेका शक्ति कपूरको एउटा अन्तर्वार्ता भाइरल भइरहेको छ।
पोडकास्टमा देखा परेका शक्ति कपूरले बिग बोससँग सम्बन्धित आफ्नो अनुभव सेयर गरेका छन्। यो रियालिटी शो स्क्रिप्टेड हो कि होइन भन्ने रहस्य पनि उनले खुलाए?
पोडकास्टको क्रममा शक्ति कपूरले भने, ‘म अन्य प्रतियोगीहरू जस्तै लड्न सक्दिनँ। त्यसैले मैले शोको समयमा त्यस्तो केही गरिनँ।’ शक्तिले पोडकास्टका क्रममा ‘बिग बोस’को घरमा रहँदा सधैं आफ्नो परिवारको फोटो आफूसँग राखेको बताए। ‘ बिग बोसको स्क्रिप्ट छ कि छैन?’ प्रश्नको जवाफमा शक्तिले भने, ‘पटक्कै छैन।’
बिग बोस सन् २००६ मा सुरु भएको थियो। पहिलो सिजन अरशद वारसीले होस्ट गरेका थिए।
त्यसपछि अमिताभ बच्चन र त्यसपछि शिल्पा शेट्टीले पनि होस्ट गरेका थिए। शिल्पा शेट्टीपछि बिग बोसको होस्टिङको जिम्मेवारी अन्ततः सलमान खानलाई दिइएको थियो।
त्यसपछि उनी शोको सबैभन्दा लोकप्रिय होस्ट बनेका छन् ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
