हातहातमा मोबाइल। मोबाइल भित्र विभिन्न भर्चयुल समाजहरु। ती बेग्लाबेग्लै समाजहरुमा फेसबुक, ट्विटर, इन्स्टाग्राम, टिकटक इत्यादि पर्छन्। ती समाजमा प्रवेश गर्न आफ्नो बैग्लै परिचय र त्यसलाई सुरक्षीत गर्न पासवर्ड कायम गर्नुपर्छ।
तपाईंलाई हेक्कै होला पासवर्ड यस्तो कडि हो जसले तपाईंको डाटा सुरक्षित राख्न मद्दत गर्छ। अथवा अरुले तपाईको डाटा चोरी गर्ने, त्यसको दुरूपयोग गर्नबाट रोक्ने काम गर्छ। किनभने पासवर्ड तपाईसँग मात्र रहन्छ। यो अरु कसैलाई उपलब्ध गराउने विषय किमार्थ होइन।
तर तपाईंले पासवर्ड भुल्न सक्नुहुन्छ। भुलिन्छ पनि। यस्तो अवस्थामा कसरी पुन: प्राप्ती गर्ने?
आज हामी तपाईंलाई फेसबुकको पासवर्ड बिर्सेमा कसरी रिसेट गर्ने भन्ने तरिकाबारे जानकारी दिँदै छौं। त्यसका ६ वटा चरण पनि छन्l
१. तपाईले फेसबुकको लगइन पेज ओपन गर्नु होस्। www.facebook.com
२. अब तपाई आफ्नो फेसबुक आइडी (मोबाइल नंबर वा ईमेल अइडी पनि हुनसक्छ) हाल्नुहोस्। पासवर्ड हाल्ने ठाउँ छाडेर अलि तल फर्गट पासवर्ड लेखिएको ठाउँमा थिच्नु होस्।
३. त्यसपछि तपाईले रजिस्टर इमेल वा मोबाइल नम्बर हाल्ने आइकन (डाइलग बक्स) देख्नु हुन्छ। त्यसमा तपाईंले कुनै पनि प्रविष्ट गराउन सक्नु हुन्छ।
४. अब तपाईले पासवर्ड रिकवरीका लागि कोड प्राप्त गर्नुहुन्छ। तपाईले उक्त कोड ईमेलमा वा मोबाइलको म्यासेज बक्समा प्राप्त गर्न सक्नुहुन्छ।
५. प्राप्त भएको ६ अङ्कको कोड फर्गट पासवर्ड पछिको पेजमा राख्नुपर्ने हुन्छ।
६. अब तपाईको फेसबुकको नयाँ पेज खुल्छ। जहाँ तपाईंले नयाँ पासवर्ड राख्ने अवसर पाउनु हुन्छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
