काठमाडौं– भर्चुअल ब्याटल गेम पब्जी मोबाइल विश्व च्याम्पियनसिपमा नेपाली टोली डीआरएस गेमिङ उपविजेता बनेको छ। इन्डोनेसियाको जकार्तामा भएको अन्तिम चरणको प्रतिस्पर्धामा नेपाली टोली दोस्रो हुन सफाल भएको हो। नेपाली टोलीले २ लाख ९२ हजार अमेरिकी डलर जितेको छ।
यस्तै, अर्को नेपाली टिम टीटुकेले १३औं स्थान प्राप्त गर्दै १ लाख ३२ हजार ५०० अमेरिकी डलर जितेको छ।
विभिन्न देशका १६ टोली सहभागी भएको च्याम्पियनसिपमा टर्कीको एसटुजी ईस्पोर्टस् विजेता बनेको छ। उक्त टोलीले ५ लाख १० हजार अमेरिकी डलरको पुरस्कार पाएको छ।
जकार्ताको इन्टरनेसनल एक्स्पोमा आयोजित ३ दिने फाइनल प्रतियोगितामा विभिन्न देशका १६ टिमले १५ लाख डलर राशीको पुरस्कारका लागि प्रतिस्पर्धा गरेका थिए। प्रतियोगितामा चीनका ३, ब्राजिलका ३, नेपालका २, टर्कीका २, मंगोलियाका २, थाईल्यान्डका २ र मलेसिया तथा इन्डोनेसियाका १–१ टोली सहभागि थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1771592819.png)
