काठमाडौं– युक्रेनको दक्षिणी सहरमा भीषण लडाइँ जारी रहेको छ। रुस र युक्रेन दुवै तर्फबाट प्रहार गरिरहेका छन्।
रुसले ओडेसा सहरमा ड्रोन आक्रमण गरेको छ भने उता रुसको नियन्त्रणमा रहेको मेलितोपोल सहरमा युक्रेनले प्रहार गरेको बीबीसीले उल्लेख गरेको छ।
युक्रेनको सेनाका अनुसार ओडेसामा प्रहार गरिएका १५ मध्ये १० ड्रोन खसाइएको छ। बाँकी पाँच ड्रोनले उर्जा सेक्टरलाई निशाना बनाएका छन्।
जसका कारण बिजुली बन्द भएको र त्यहाँ रहँदै आएका १५ लाख मानिस अँध्यारोमा रहेको युक्रेनी सेनाले जनाएको छ। यता मेलितोपोलका निर्वासित मेयरले रुसको नियन्त्रणमा रहेको सहरमा युक्रेनले आक्रमण गरेको बताएका छन्।
मेलितोपोलमा मस्कोका तैनाथ गरिएका अधिकारीले तस्बीर जारी गरेका छन्। जहाँ भयानक आगो लागेको देखिन्छ। यता युक्रेनका अधिकारीका अनुसार दक्षिणी युक्रेनको बन्दरगाहवाला सहर ओडेसामा रुसले ड्रोन आक्रमण गरेको छ। इरानमा बनेका ड्रोनबाट रुसले युक्रेनी संरचनालाई निशाना बनाइरहेको बताएका छन्।
अक्टुबरपछि रुसले युक्रेनको उर्जा संरचनामाथि मिसाइल प्रहार गरिरहेको छ। यता मेलितोपोल सहरमा रुस समर्थक प्रशासनका अनुसार युक्रेनको मिसाइल हमलामा २ जनाको मृत्यु भएको छ भने १० जना घाइते भएका छन्। युक्रेनले आक्रमणमा अमेरिकाले दिएको हिमार्स रकेट लञ्चरको प्रयोग गरेको रुसले आरोप लगाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
