काठमाडौं– गल्फ लुब्रिकेन्ट्सले दशैंलाई लक्षित गर्दै कार र मोटरसाइकलहरूको नि:शुल्क चेकअप शिविर सञ्चालन गर्ने भएको छ। उक्त लुब्रिकेन्टसले दशैंमा घर फर्किने यात्रुहरुलाई लक्षित गरेर नि:शुल्क चेकअप गर्ने भएको हो।
नेपाल ल्युब आयल लिमिटेड नेपालमा गल्फ लुब्रिकेन्ट उत्पादन र वितरण गर्ने गल्फ इन्टरनेशनलको इजाजतपत्र प्राप्त कम्पनी हो। उक्त कम्पनीले दशैंमा आ–आफ्नो घर फर्कने यात्रुहरूलाई लक्षित गर्दै चार पांग्रे र दुई पांग्रे सवारी साधन नि:शुल्क चेकअप शिविर आयोजना गर्ने भएको हो। उक्त शिविर असोज १३ देखि १५ सम्म आयोजना हुनेछ।
नेपालीको महान चाड दशैंको अवसरमा धेरैजसो सडकबाट निजी सवारी साधन प्रयोग गरी घर फर्कन्छन्। यात्रा आरामदायी बनाउन कम्पनीले महत्वपूर्ण ठाउँहरु पहिचान गरी नि:शुल्क चेकअप शिविर आयोजना गर्ने भएको हो।
मलेखु, हेटौडा, कावासोती, खुर्कोट, बर्दिवास, कोहलपुर, अटरिया,लौकीइटहरीमा क्याम्प स्थापना गरिएको छ। सो क्याम्पमा कम्पनीले गल्फ इन्जिन आयलमा १० प्रतिशतसम्म छुट र स्पेयर पार्ट्समा १० प्रतिशतसम्म छुट पनि दिनेछ।
गल्फ फ्युल रिटेल र लुब्रिकेन्टको क्षेत्रमा विश्वमै परिचित ब्रान्ड हो र यसले अटोमोटिभदेखि इन्डष्ट्रियल सेक्टरसम्मका उत्पादन उपलब्ध गर्दै आएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1750673602.png)
-1749826086.png)
