काठमाडौं– सामाजिक सञ्जालमा हाल एक पुरातात्विक क्षेत्रको तस्बिर भाइरल भइरहेको छ। यो तस्बिर इजरायलको दक्षिणमा रहेको मरुभूमिको हो।
जहाँ पुरातत्व विभागले बालुवाभित्र पुरिएको एक दरबार फेला पारेको छ। यो दरबारको खोजले त्यसेबलाका मानिसहरुको जीवनशैली र उनीहरुको बौद्धिकता बुझ्न सजिलो हुने खोजकर्ताहरुले अपेक्षा गरेका छन्।
इजरायलको बेदुइन सहरमा फेला परेको यो दरबार एक हजार दुई सय वर्ष पुरानो भएको बताइएको छ। साथै दरबार निकै आकर्षक भएको पनि खोजकर्ताले बताएका छन्।
दरबारभित्र एउटा ठूलो आँगन र भित्र धेरै कोठाहरु रहेका छन्। ढुंगाले बनेको यस दरबारको भित्तामा सुन्दर आकृति बनाइएको छ।
बेदुइन सहरमा फेला परेको दरबार आठौं वा नवौं शताब्दीतिर बनेको बताइएको छ। खोजीका क्रममा पुरातत्व विभागले त्यहाँ केही सिसाका भाँडाको अवशेष पनि फेला पारेको छ।
दरबारभित्र सफा पानीको पोखरी पनि भेटिएको छ। अझ रोचक त के भने एउटा कोठाको ढोका यसै पोखरीतिर खुल्ने गरेकोसमेत पत्ता लागेको छ।
खोजका क्रममा अन्वेशकहरु दरबारको संरचना देखेर आश्चर्यमा परेका थिए। दरबारमा भूमिगत कोठाहरु पनि पाइएका छन्। मरुभूमिको खतरनाक चिसोबाट बच्नका लागि भूमिगत कोठाहरु बनाइएको हुनसक्ने खोजकर्ताले अनुमान गरेका छन्।
जमिनभित्र निर्माण गरिएका कोठाहरू निकै मजबुत छन्। दरबारको संरचना हेर्दा त्यहाँ बसोबास गर्ने मानिसहरु निकै धनी र सम्पन्नशाली हुनुपर्ने खोजकर्ताहरुले बताएका छन्।
यस खोजले नेगेभमा बसोबास गर्ने मानिसको बारेमा बुझ्न र यसबाट उनीहरुको जीवनशैली थाहा पाउन सकिने पुरातत्व विभागले विश्वास लिएको छ। एजेन्सी
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1779545841.jpg)
