भारत- अवैध रुपमा निर्मित भारतको नोयडाका ट्विन टावर पाँच सेकेन्डमै ध्वस्त पारिएका छन्। आइतबार दिउँसो साढे २ बजे विस्फोटक पदार्थ पड्काएर यी दुई भवनलाई ध्वस्त पारिएको हो।
भवनका ९ हजार ६ सय ४२ वटा प्वालमा विष्फोटक पदार्थ राखिएको थियो। बारूदमा आगो लगाइएको पाँच सेकेन्डमा दुवै भवन ध्वस्त भएका छन्।
लगभग ८ सय करोड भारतीय रुपैयाँको लागतमा यी भवन बनाइएका थिए। सुपरटेक बिल्डर्सले निर्माण गरेका यी दुई बिल्डिङ एक वर्षअघि सर्वोच्च अदालतले भत्काउन आदेश दिएको थियो। मापदण्ड मिचेर ४० तले दुईटा भवन बनाइएको अदालतको ठहर छ।
यसमा सयौं परिवारले फ्ल्याट बुक गराएका थिए। तीमध्ये कतिको रकम अझै फिर्ता भएको छैन। सर्वोच्चले भने फ्ल्याट किनेकालाई वार्षिक १२ प्रतिशत ब्याज जोडेर रकम फिर्ता गर्न आदेश दिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1786157138.png)
-1786184812.png)
