काठमाडौं– सौन्दर्य प्रतियोगिताका आयोजक मनोज पाण्डेले मिडियामार्फत नग्न भिडियो सार्वजनिक गर्ने धम्की दिँदै आफूलाई बलात्कार गरेको 'पीडित' युवतीले प्रहरीलाई बयान दिएकी छिन्।
पाण्डेले बन्धक बनाएर आफूलाई पटक पटक बलात्कार गरेको पनि युवतीले बयान दिएकी छिन्। पाण्डेले आफूले नग्न तस्बिर खिचेर राखेको भन्दै विभिन्न धम्की दिएर र डर देखाएर बलात्कार गर्ने गरेको उनको दाबी छ।
आरोपित, पीडित र अन्यको बयानपछि पाण्डेविरुद्ध मानब बेचबिखन तथा ओसारपसार कसुर र बाल यौन दुर्व्यवहारको कसुरमा बुधबार काठमाडौं जिल्ला अदालतमा मुद्दा दर्ता गरिएको को छ। २५ दिन लामो अनुसन्धान सकेर जिल्ला प्रहरी परिसर काठमाडौंले पठाएको अनुसन्धान फाइल सरकारी वकिल कार्यालयले अध्ययन गरेपश्चात बुधबार मुद्दा दर्ता भएको हो।
मानव बेचबिखन तथा ओसार पसारको कसुर अन्तर्गत १५ वर्ष र बाल यौन दुर्व्यवहारको कसुरमा तीन वर्ष गरी १८ वर्षसम्म कैदको माग गर्दै पाण्डेविरुद्ध मुद्दा दर्ता भएको छ। ग्लोबल भिषाज कन्सल्टेन्सीको सञ्चालकसमेत रहेका पाण्डेले भने आफूविरुद्ध लागेको आरोपको इन्कारी बयान दिएका छन्।
यस्तो छ पीडित युवतीको बयान
यी प्रतिवादी मनोज पाण्डे भन्ने मनोज कुमार जैशीले म सुन्दरी प्रतियोगिताको आयोजक हुँ र म फोटो सुटहरु पनि गर्छु भनी मलाई एभरेष्ट होटलमा भेट्न बोलाई आफू मोडल ग्लोवल भिषा कन्सल्टेन्सीको संचालक भएको बताएका थिए। म छिट्टै सुन्दरी प्रतियोगिताको आयोजना पनि गर्दैछु भनि अर्को दिन आफ्नो कन्सल्टेन्सीमा फोटो सुटको लागी बोलाए। उनले फोटो सुटको लागि आफन्त तथा साथीभाइसमेत कोही कसैलाई साथमा नलिई आउनु भनेकोले म एक्लै गएको थिएँ। पिाण्डेले नै मिस ग्लोवल ईन्टरनेशनलको सुन्दरी प्रतियोगिताको अडिसनको फर्म भर्न लगाई २ सेप्टेम्बर २०१४ मा भद्रकाली स्थित आर्मी क्लबमा सुन्दरी प्रतियोगिताको आयोजना भएको थियो।
म पनि सहभागी भएकोमा उक्त प्रतियोगितामा म फस्ट रनरअप भएको थिएँ। उक्त सुन्दरी प्रतियोगिताको कार्यक्रमबाट म घर फर्किने भनी आमा बुबासँग ट्याक्सीमा बस्दा मनोज पाण्डेले मलाई मोवाइलमा 'मैले तिमLलाई जिताएको हुँ' भनी म्यासेज पठाउनु भएको थियो र सोपश्चात मलाई 'सक्सेस पार्टी छ तिमी रेडी भएर आउ' भनी एभरेष्ट होटलमा बोलाउनुभयो।
म उहाँले भनेअनुसार एभरेष्ट होटलमा गएँ। त्यतिबेला पाण्डेबाहेक अन्य कोही नभएकोले मैले उहाँलाई अरु खै त? भनी प्रश्न गर्दा 'तिमी अलि छिटो आयौ पार्टी ७ बजेबाट सुरु हुन्छ, बस्दैगर' भन्नु भयो। केही समयपछि एक जना वेटर आएर मलाई कागती पानीजस्तो देखिने तरल पदार्थ दिए। 'यो वेलकम ड्रिंक्स हो' भन्नु भयो। मैले उक्त कागती पानी खाएको केहि समयपछि मलाई असहज महसुस भयो। मैले 'घर जान पाउँ' भनी अनुरोध गर्दा उँहाले मलाई गाली गर्दै 'विजेता भएर तिमीले यस्तो कुरा गर्न मिल्दैन, मिडियाले तिमीलाई खोज्छन्। मैले के जवाफ दिने' भन्नुभयो ।
'मैले एउटा रुम बुक गरेको छु, तिमी त्यहाँ गई आराम गर्दै गर। सबैजना आएपछि म तिमीलाई बोलाउन पठाउँछु' भन्नुभएको सम्म मलाई याद छ। त्यसपछि के कसो भयो मैले थाहा पाइनँ। मलाई अलिअलि होस् हुँदा पाण्डेले मलाई बलत्कार गरिरहेका थिए। भोलिपल्ट पाण्डे मेरै छेउमा एउटै खाटमा नग्न अवस्थामा नै सुतिरहेको देखी म अचानक चिच्याएर रुन थालें। त्यसपछि 'तिमी पैसा लिएर घर जाउ, यदि यो कुरा तिमिले कसैलाई भन्यौं भने मैले तिम्रो अश्लील फोटो तथा भिडियो खिचेर राखेको छु, उक्त फोटो तथा भिडियो अनलाइनखबरमार्फत सार्वजानिक गरिदिन्छु' भनि मलाई डर त्रास देखाउनुभयो।
उहाँको धम्कीको डरले कोही कसैसँग केही भन्न सकिनँ। त्यसपछि उहाँले पटक पटक विभिन्न स्थानमा जबरजस्ति करणी गर्ने गरेको र एक दिन पाण्डेले मलाई अनामनगरकै होटलको एउटा कोठामा लगेको र म उक्त कोठामा पुग्दा त्यहाँ पहिले नै एक जना अपरिचित पुरुष व्यक्ति बसिरहेको थियो। पाण्डेले उक्त व्यक्तिलाई देखाउँदै 'यो मानिससँग शारीरिक सम्पर्क राख। म यहाँ बसेर हेर्छु' भने।
पाण्डेले ती अपरिचत व्यक्तिलाई 'तँ यो केटीसँग शारीरिक सम्पर्क राख। म यहा बसेर तँ र म कसले धेरै बेरसम्म सम्पर्क गर्न सक्छौं हेर्छु' भनी मलाई त्यो अपरिचित व्यक्तिसँग जबरजस्ती करणी गराई वेस्यावृत्ति गर्न बाध्य बनाए।
मैले उक्त मानिससँग शारीरिक सम्पर्क गरेको पाण्डेले हेरेर बसे। उक्त मानिस को थिए म चिन्दिनँ। यसरी पाण्डेबाट लामो समयसम्म त्रासपूर्ण शारीरिक शोषण तथा मानसिक यातनाबाट विक्षिप्त भएँ। यो घटनाको सम्बन्धमा कोरियोग्राफर मोडल माल्भिका सुब्बा, फोटोग्राफर श्रीधर पौडेल र उक्त प्रतियोगितको सहभागी अर्चना पन्थीलाई समेत घटनाबारेमा जानकारी गराएको थिएँ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
