सुन्दरी प्रतियोगिताको आडमा बलात्कार प्रकरण: मनोज पाण्डेविरुद्ध १८ वर्ष कैद सजायको मागदाबी गर्दै मुद्दा दर्ता

सुरक्षा/अपराध

नेपाल लाइभ बुधबार, असार १, २०७९ १७:११

काठमाडौं– सौन्दर्य प्रतियोगिताको आडमा बलात्कार गरेको प्रकरणमा मनोज पाण्डेविरुद्ध मुद्दा दर्ता भएको छ।

जिल्ला अदालत काठमाडौंमा बुधबार पाण्डेविरुद्ध दुईवटा कसुरमा मुद्दा दर्ता भएको हो। पाण्डेविरुद्ध मानव बचेबिखन तथा ओसारपसारको कसुरमा र बाल यौन दुर्व्यवहारको कसुरमा मुद्दा दर्ता गरिएको हो।

मानव बेचबिखनको कसुरमा १५ वर्ष र बाल यौन दुर्व्यवहारको कसुरमा ३ वर्ष गरी १८ वर्ष कैद सजायको मागदाबी गर्दै मुद्दा दर्ता भएको छ।

शरीर बन्धक बनाइ नाबालिगलाई शारीरिक शोषण गरेको लगायतको अभियोगमा उनलाई १० देखि १५ वर्ष कैद सजायको माग दाबी गरिएको छ।

सन् २०१४ मा भएको ‘मिस ग्लोबल इन्टरनेसनल’ प्रतियोगिताका सहभागी (प्रतिस्पर्धी)लाई होटलमा बोलाएर बलात्कार गरेको आरोप पाण्डेमाथि लागेको थियो। पीडितले घटना सार्वजनिक गरेपछि फरार रहेका पाण्डेलाई प्रहरीले जेठ ७ गते पक्राउ गरेर अनुसन्धान थालेको थियो।

पाण्डेले बलात्कारपछि फोटो र भिडियो खिचेर ‘ब्ल्याकमेल’ गर्दै ६ महिनासम्म निरन्तर यौन शोषण गरेको घटना पीडितले सामाजिक सञ्जालमार्फत् सार्वजनिक गरेकी थिइन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

प्रमुख दलका मुख्य र प्रमुख सचेतकसँग छलफल गर्दै सभामुख घिमिरे

रियल मड्रिडलाई हराउँदै बार्सिलोनाले जित्यो महिला स्पेनिस सुपर कप

अछाममा किशोरी मृत घटनामा अनुसन्धान गर्न लागि २ जना पक्राउ