काठमाडौं– छिमेकी देश भारतमा अनेक किसिमका घटना देनिक भइरहन्छन्। यस्तै केही दिनअघि एक आमाले ससुरासँगको झोको निहुँमा आफ्नै ६ बच्चालाई कुवामा हुत्याएर हत्या गरेको घटना सार्वजनिक भएको छ।
घटना महाराष्ट्र राज्यको वाकया रायगढ जिल्लाको महाड तालुकास्थित बोरवाडी गाउँको हो। जहाँ सुसुरासँगको झगडापछि एक आमाले आफ्ना पाँच छोरीसहित एक छोरालाई कुवामा फालेर हत्या गरेकी छन्।
३० वर्षीया रुना चिखुरी साहनीले ससुरासँग झगडा परेकाे र पछि त्यहिँ झोकमा आफ्ना अबोध बालबालिकालाई मृत्युको घाटमा पुर्याएकी हुन्। महाराष्ट्र प्रहरीका अनुसार पारिवारिक विवादमा ससुराले कुटपिट गरेको र त्यसपछि एक–एक गर्दै उनले आफ्ना सन्तानलाई कुवामा हुत्याएकी थिइन्।
प्रहरीमा उनले दिएको बयान अनुसार घटना यति क्रुर थियो कि उनले हरेक बच्चाको मृत्यु हुँदासम्म कुवामाथि बसेर निगरानी गरिरहिन्। मर्ने बालबालिकाको उमेर ३ देखि १० वर्षबीचमा रहेको पाइएको छ।
मर्नेहरूमा १० वर्षीया रोशनी, ८ वषीृया करिश्मा, ६ वर्षीया रेश्मा, ५ वर्षीया विद्या, ३ वर्षीया राधा र ३ वर्षीय छोरा शिवराज भएका छन्। यस्तै सन्तानको हत्यापछि चिखुरीले पनि आत्महत्याको प्रयास गरेकी थिइन्। आत्महत्याका लागि कुवामा हाम फालेकी चिखुरीलाई भने स्थानीयले बचाएका थिए।
घटनापछि महाडका विधायक भरत गोवाव प्रहरीका साथ घटनास्थल पुगेका थिए। पक्राउ परेकी महिलामाथि प्रहरीले अनुसन्धान गरिरहेको छ।
यसअघि भारतकै विधर्भ जिल्लाको लातुमा पनि यस्तै घटना भएको थियो। जहाँ पतिसँगको विवादपछि एक महिलाले आफ्नो दुई वर्षीया छोरालाई कुवामा फ्याँकेर हत्या गरेकी थिइन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
