लगातार दुई ग्रान्डस्लामको क्वार्टरफाइनल पुग्ने सबैभन्दा कान्छा खेलाडी बने अल्कारेज

अन्य

नेपाल लाइभ मंगलबार, जेठ १७, २०७९ ०७:४५

काठमाडौं– स्पेनका १९ वर्षीय टेनिस स्टार कार्लोस अल्कारेज रसियाका करेन खाचानोभलाई हराउँदै पहिलो पटक फ्रेन्च ओपनको क्वार्टरफाइनलमा प्रवेश गरेका छन्।

अल्कारेज लगातार दुई ग्रान्डस्लामको क्वार्टरफाइनल पुग्ने सबैभन्दा कान्छा खेलाडी हुन्।

यो सिजन ४ पटक उपाधि जितेका विश्व नम्बर ६ कार्लोसले २१औं वरीयताका २६ वर्षीय खाचानोभलाई ६–१, ६–४, ६–४ ले हराए। अब उनले जर्मनीका अलेक्जेन्डर ज्वेरेभको सामना गर्नेछन्।

ज्वेभेरेभले क्वालिफायरमा जापाटा मिरालेसलाई ७–६, ७–५, ६–३ ले हराए। अल्कारेजले यो महिना मड्रिड मास्टर्समा ज्वेभेरेभलाई हराएका थिए। उनले यो प्रतियोगितामा विश्व नम्बर एक सर्बियाका नोभाक जोकोभिच र १३ पटकका विजेता स्पेनका राफेल नाडाललाई पनि हराएका थिए।

अल्कारेज सेमिफाइनलमा पुगेमा उनले जोकोभिच र राफेल नाडालबीचको क्वार्टरफाइनलको विजेतासँग खेल्नेछ। जोकोभिच र नाडाल पनि अन्तिम आठमा पुगेका छन्। अन्तिम आठमा जोकोभिच र नाडाल आमनेसामने हुनेछन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

३०० दिनमा टियु क्रिकेट रंगशाला नबनेपछि दुई महिना म्याद थप

एसईई दिएर बसेका दुई किशोरको पौडी खेल्ने क्रममा ज्यान गयो

इजरायलमाथि हवाई नाकाबन्दी लगाउने हुथीको चेतावनी