काठमाडौं– १३औं दक्षिण एसियाली खेलकुद (साग) की स्वर्ण पदक विजेता सञ्जु चौधरी मृत अवस्थामा भेटिएकी छन्।
चीनको हाङझावमा हुने भनिएको १९औं एसियाली खेलकुदको तयारीका क्रममा रहेकी सञ्जु मंगलबार बन्द कोठामा झुन्डिएको अवस्थामा मृत भेटिएकी हुन्।
नेपाल भारोत्तोलन संघका अध्यक्ष रामकृष्ण श्रेष्ठले ललितपुरको लुभुस्थित भारोत्तोलन प्रशिक्षक सञ्जय महर्जनको घरमा सञ्जु मृत भेटिएको पुष्टि गरे।
उनका अनुसार सञ्जु प्रशिक्षणकै क्रममा केही दिन यतादेखि ललितपुरको महालक्ष्मी नगरपालिका–९ लुभुमा प्रशिक्षक सञ्जयको घरमा बस्दै आएकी थिइन्।
उनी बिहान ५ः३० बजे मृत अवस्थामा पाइएको हो। सञ्जु सुतेको ढोका भित्रबाट चुक्कुल लगाइएको थियो भने झ्यालमा ग्रिल लगाइएको छ। प्रारम्भिक अनुसन्धानले आत्महत्या देखिने उनले जानकारी दिए।
बाँके राप्ती सोनारी गाँउपालिकाकी स्थायी बासिन्दा सञ्जुले दुई वर्षअघि नेपालमा आयोजना भएको १३औं सागमा भारोत्तोलनमा स्वर्ण पदक जितेकी थिइन्।
उनले महिला ५९ केजी तौल समूहमा श्रीलंकाका खेलाडीलाई पछि पार्दै स्वर्ण जित्न जितेकी थिइन्। सञ्जुले स्न्याचतर्फ ७४ केजी र क्लिन एन्ड जर्कमा ९७ केजीसहित कुल १ सय ७१ केजी तौल उचालेकी थिइन्। नेपाली भारोत्तोलनको इतिहासमा यो मात्र दोस्रो स्वर्ण हो।
महिलातर्फ भने भारोत्तोलनमा स्वर्ण जित्ने सञ्जु पहिलो महिला खेलाडी हुन्। यसअघि पुरुषतर्फ भने कमलबहादुर अधिकारीले स्वर्ण जितेका थिए।
सञ्जु केही दिन अघि भएको एसियाली छनोटमा भाग लिन राजधानी आएकी थिइन्। प्रतियोगिता भदौ २५ देखि असोज ९ गतेसम्म आयोजना हुने तय भएको थियो। तर, कोरोना भाइरसका कारण प्रतियोगिता स्थगित भइसकेको छ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
