काठमाडौं–अर्बपति व्यापारी एलोन मस्कले ४१ अर्ब डलरमा ट्विटर किन्ने प्रस्ताव गरेका छन्। मस्कले केही दिनअघि मात्रै कम्पनीको बोर्डमा सहभागी नहुने घोषणा गरेका थिए।
मस्कले प्रतिसेयर ५४.२० डलर प्रस्ताव गरेका छन्, जुन बिहीबार नियामक फाइलिङमा सूचित गरिएको थियो। यस्तो अवस्थामा ट्विटरको सेयर प्रिमार्केट ट्रेडिङमा १२ प्रतिशतले बढेको छ ।
ट्विटरमा मस्कको ९.२ प्रतिशत सेयर स्वामित्व छ। यसको मतलब मस्कसँग ट्विटरका संस्थापक ज्याक डोर्सीको भन्दा चार गुणा (२.२५ प्रतिशत) सेयर स्वामित्व छ।
मस्कले ट्विटरका अध्यक्ष ब्रेट टेलरलाई लेखेको पत्रमा भनेका छन्, ‘लगानी गरेपछि अहिलेको अवस्थामा कम्पनीले आफ्नो सामाजिक दायित्व पूरा गर्न नसकेको र अगाडि बढाउन नसक्ने अवस्था रहेको महसुस गरेको छु। ट्विटरलाई निजीमा परिणत गर्न आवश्यक छ।’
उनले थप भने, ‘मेरो प्रस्ताव मेरो तर्फबाट सबैभन्दा राम्रो र अन्तिम प्रस्ताव हो। यदि स्वीकार भएन भने म सेयरधनीका हैसियतमा पुनर्विचार गर्नेछु।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
