काठमाडौं– फेसबुक सञ्चालक कम्पनी मेटा प्लेटफर्म्स इंकले ह्याकिङ वा अन्य खराब अभ्यासमा संलग्न आधा दर्जनभन्दा बढी निजी जासुसी कम्पनीहरूलाई कारबाही गरेको दाबी गरेको छ।
सामाजिक सञ्जालको अग्रणी कम्पनीले बिहीबार सार्वजनिक गरेको प्रतिवेदनमा ती जासुसी कम्पनीले आफ्नो प्लेटफर्ममा रहेका करिब ५० हजार मानिसलाई सामूहिक रूपमा लक्षित गरिएको आरोप लगाएको छ ।
समाचार एजेन्सी रोयटर्सका अनुसार जासुसी कम्पनीहरुसँग फेसबुकको यो लडाईंलाई महत्वपूर्ण मानिएको छ। यस समयमा अमेरिकामा, प्राविधिक कम्पनीहरू, सांसदहरू र राष्ट्रपति जो वाइडेन सरकारले डिजिटल जासुसीका पक्षधरहरूविरुद्ध ठूलो अभियान सुरु गरेको छ।
विशेषगरी इजरायली स्पाइवेयर कम्पनी ‘एनएसओ ग्रुप’लाई कालोसूचीमा राख्न सरकारले चालेको कदम। कम्पनीले नागरिक समाजको जासुसी गर्न आफ्नो प्रविधि प्रयोग गरिरहेको केही साताअघि खुलासा भएको थियो।
मेटाका सुरक्षा नीति प्रमुख, नथानिएल ग्लेइचरले बिहीबार भाडा जासुसी उद्योग कुनै पनि कम्पनीभन्दा धेरै ठूलो छ भन्ने संकेत गर्न यो कारबाही गरिएको जानकारी दिए।
कम्पनीको यस प्रतिवेदनमा यसका विभिन्न प्लेटफर्ममा चलिरहेका करिब १५०० एकाउन्टहरूलाई निलम्बन गरिएको बताइएको छ। यी सबै फेक अकाउन्ट फेसबुक, इन्स्टाग्राम र ह्वाट्सएपमा चलिरहेका छन्।
मेटाका अनुसार यी फेक एकाउन्टहरू सात कम्पनीले सञ्चालन गर्दै आएका छन् र यसमार्फत् उनीहरूले विश्वका १०० देशमा बसोबास गर्ने मानिसलाई लक्षित गरेका छन् ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
