काठमाडौं- इन्टरनेट क्षेत्रको पुरानो कम्पनी याहूले चीनमा आफ्नो सेवा बन्द गर्ने घोषणा गरेको छ। १ नोभेम्बरबाट चीनमा याहूको सेवा बन्द गर्ने लागेको कम्पनीले जनाएको हो।
कम्पनीले एक विज्ञप्ति जारी गर्दै पछिल्लो समय ‘बढ्दो व्यापारिक र कानुनी चुनौती’को कारण सेवा बन्द गर्ने लागेको जानकारी दिएको छ।
पछिल्लो सातामा चीनमा आफ्नो सेवा बन्द गर्ने याहू दोस्रो अमेरिकी कम्पनी हो। यसअघि ‘लिंक्डइन’ले पनि चीनमा आफ्नो सेवा बन्द गरेको थियो।
चीन सरकारले प्रविधि कम्पनीहरुमाथिको हस्तक्षेपमा वृद्धि गरेभन्दै माइक्रोसफ्टले चीनमा सोसल मिडिया प्लाटफर्म लिंक्डइन बन्द गर्ने निर्णय गरेको थियो।
माइक्रोसफ्टको इन्जिनियरिङ विभागका उपाध्यक्ष मोहाक श्रोफका अनुसार चीनमा करिअरमा लक्षित नेटवर्किङ प्लाटफर्म लिंक्डइनको साटो जागिरका लागि निवेदन मात्र दिन सकिने नेटवर्किङ वीहिन एप्लिकेसन सुरु गरिनेछ ।
याहूले यसअघि सन् २०१५ मा चीनको बेइजिस्थित आफ्नो कार्यालय बन्द गरेको थियो। चीनमा यसअघि नै याहूको वेब पोर्टललगायतका केही सेवा प्रतिबन्धित छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791347795.webp)
-1786602170.png)
