फाइल तस्बिर काठमाडौं- प्रतिनिधि सभाअन्तर्गतको विकास तथा प्रविधि समितिकी सभापति कल्याणी खड्काले सरोकारवालाहरुसँग विस्तृत छलफल गरेर मात्रै सूचना प्रविधि क्षेत्रको विकासमा लाग्न सरकारलाई सचेत गराएकी छन्।
सभापति खड्काले निजी क्षेत्रको गुनासोलाई सम्बोधन नगरी सूचना प्रविधि क्षेत्रको विकासले गति लिन नसक्नेतर्फ पनि सरकारको गम्भीर ध्यानाकर्षण गराइन्।
मंगलबार काठमाडौंमा आयोजित सूचना प्रविधि क्षेत्रको विकाससम्बन्धी अन्तरक्रिया कार्यक्रममा बोल्दै उनले निजी क्षेत्रले सरकार पुग्न नसकेको ठाउँमा पनि सूचना प्रविधिको विकास गरेको उल्लेख गर्दै त्यसलाई ग्रहण गरेर सरकारी निकायहरुले पनि अघि बढ्नुपर्ने आवश्यक्ता औंल्याइन्। सभापति खड्काले भनिन्, ‘सरोकारवालाहरुसँग विस्तृत छलफल गरौं। सूचना प्रविधि क्षेत्रको विकासका लागि विज्ञहरुको पनि परामर्श लिऔं। र, यस क्षेत्रको विकासमा एकीकृत ढंगले लाग्न पनि सरकारलाई सचेत गराउन चाहन्छु।’
उनले सूचना प्रविधि क्षेत्र नयाँ भएकाले यसको विकासमा सरोकारवाला निकायहरुसँग बलियो सहकार्य गरेर अघि बढ्न सरकारलाई पटक-पटक निर्देशन दिइएको पनि स्मरण गराइन्। उनले सूचना प्रविधि क्षेत्रको विकासमा एकीकृत खालको योजना ल्याउन पनि सरकारको ध्यानाकर्षण गराइन्।
कार्यक्रममा बोल्दै प्रेस काउन्सिल नेपालका अध्यक्ष बालकृष्ण बस्नेतले साना लगानीका मिडियालाई राज्यले नि:शुल्क इन्टरनेटको व्यवस्था गरिदिनुपर्ने बताए। अध्यक्ष बस्नेतले राज्यले सञ्चारमाध्यमलाई सञ्चार प्रविधिमा सहुलियत दिनुपर्ने बताएका हुन्। उनले साना लगानीका मिडियालाई बचाउनका लागि राज्यले नि:शुल्क इन्टरनेट सुविधा उपलब्ध गराउनुपर्ने बताए।
‘सञ्चारमाध्यमलाई पनि सञ्चार प्रविधिको विकास र सहुलियत जरुरी छ। खासगरी साना लगानीका मिडियालाई। साना लगानीका मिडिया अब राज्यले विशेष रुपले नहेर्ने हो भने टिक्न पनि गाह्रो छ। यस्ता साना लगानीका मिडियालाई राज्यले नि:शुल्क इन्टरनेटको सुविधा व्यवस्था गर्न सक्छ कि सक्दैन? यस्ता मिडिया बचाउनका लागि नि:शुल्क इन्टरनेट सुविधा भइदियो भने केही राहत हुन्छ,’ उनले भने।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
