Photo : REUTERS/Siyabonga Sishi/File Photo
काठमाडाैं- पूर्वराष्ट्रपति जेकब जुमाले अदालतको मानहानिका लागि जेल सजाय भोग्न प्रहरीसमक्ष आत्मसमर्पण गरेसँगै दक्षिण अफ्रिका अशान्त बनेकाे छ।
देशको मुख्य आर्थिक केन्द्र जोहानिसबर्गमा आइतबार राजमार्गको एक भाग बन्द गरेर रातभरि पसलमा लुटपाट मचाइएकाे प्रहरीले जनाएकाे छ।
स्थानीय समय अनुसार बुधवार अबेर जुमा आफ्नो निवास नजिकै रहेको जेल पुगेको उनको फाउन्डेसनले जनाएको छ। दिनको अन्त्यसम्ममा आत्मसमर्पण नगरे ७९ वर्षका पूर्वराष्ट्रपतिलाई पक्राउ गर्न आफूहरू तयारी अवस्थामा रहेको प्रहरीले चेतावनी दिएको थियो।
अदालती सुनुवाइमा उपस्थित हुन नसकेका कारण जुमालाई गत हप्ता १५ महिना लामो जेल सजाय सुनाइएको थियो। तर, उनको पक्राउसँगै समर्थकहरूले विभिन्न स्थानमा ताेडफेाड गरेका छन्।
प्रहरीका अनुसार जुमाकाे समर्थकहरुले मच्चाएकाे अशान्तिकाे फाइदा उठाउँदै केही अपराधिक समूहले लुटपाट गरिरहेका छन्।
हालसम्म ६२ जनालाई पक्राउ गरिएकाे प्रहरीले जनाएकाे छ। जोहानिसबर्ग महानगर प्रहरी विभाग (जेएमपीडी) ले शनिबार राति अलेक्जान्ड्रा टाउनशिप र जेप्सटाउन उपनगरमा धेरै लुटपाट भएको बताएकाे छ।
त्यहाँ अपराधिक समूहले सवारीसवारी साधनहरुमा गोली प्रहारसमेत गरेकाे बताइन्छ। दक्षिण अफ्रिकामा पूर्व राष्ट्रपतिलाई जेलसजाय सुनाइएको यो नै पहिलो पटक हो।
जुमालाई जुन २९ तारिखमा आफ्नो नौ वर्षे कार्यकालका बेला भएको भ्रष्टाचारसम्बन्धी सुनुवाइका क्रममा सबुत पेस गर्न दिइएको आदेश नमानेको आरोपमा १५ महिना लामो जेल सजाय सुनाइएको हो।
उनको नेतृत्वका बेला निर्णय लिने प्रक्रिया प्रभावित पार्नका लागि राजनीतिज्ञहरूसँग साठगाँठ गरेको व्यापारीहरूमाथि आरोप लगाइएको छ।
तर, जुमाले भने बारम्बार आफू राजनीतिक षडयन्त्रको सिकार हुन पुगेको बताउँदै आएका छन्। सन् २०१८मा उनलाई आफ्नै दलले पदबाट बाहिरिन बाध्य पारेको भए पनि समर्थकहरूको एउटा पक्षलाई आफूसँगै राख्न उनी सफल भएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1698918398-1698987692.png)
-1764146706.png)
