काठमाडाैं- अमेरिकी क्षेत्रकै सबैभन्दा गरिब मुलुक हाइटीले राष्ट्रपति जोभनेल मोइजको हत्याको घटनामा पहिलोपटक उनकी पत्नीले बयान दिएकी छिन्।
मंगलबार राति भएको आक्रमणको क्रममा प्रथम महिला मार्टिन मोइसेलाई पनि गोली लागेकाे बताइएकाे छ। उनकाे अहिले अमेरिकामा उपचार भइरहेकाे छ।
सामाजिक सञ्जाल ट्वीटरमा एक भ्वाइस म्यासेज पोस्ट गर्दै उनले आक्रमणकारीहरुले सबैभन्दा पहिला आफ्नो घरमा विष्फोट गराएको र त्यसपछि गोली प्रहार गर्न थालेको बताएकी छिन्।
‘आँखा झिम्क्याउनेभन्दा छोटो समयमा आतंकवादीहरु मेरो घरमा छिरे र मेरा पतिको शरीरभरि गोली हाने। मेरा पतिले एक शब्द पनि बोल्न पाएनन्,’ उनले भने।
राष्ट्रपति मोइजको हत्यामा २८ जना मानिसहरु संलग्न रहेको हाइटीको प्रहरीले बताएको छ।
प्रहरी प्रमुख लियोन चार्ल्सका अनुसार राष्ट्रपतिको हत्यामा २६ कोलम्बियाका नागरिक र हाइटी मूलका दुई अमेरिकी आक्रमणकारी सामेल थिए।
हालसम्म ८ संदिग्भ अझै फरार रहेको बताइएको छ। राजधानी पोर्ट–अ–प्रिन्समा भएको संघर्षमा दुई अमेरिकीसहित १७ आक्रमणकारीलाई भने प्रहरीले गिरफ्तार गरिसकेको छ। बाँकी आक्रमणकारीको भने प्रहरीको मुठभेडमा मृत्यु भएको छ।
कोलम्बियाको सरकारले यो आक्रमणको घटनामा ६ आफ्ना पूर्व सेना संलग्न भएको पुष्टि गर्दै अनुसन्धानमा सक्दो सहयोग गर्ने हाइटीलाई आश्वासन दिएकाे छ।
मार्टिनले यस किसिमको आक्रमण असीमित अपराध भएको उल्लेख गरेकी छिन्। उनले राजनीतिक कारणले आफ्ना पतिलाई निशाना बनाइएको दाबी गरेका छन्।
राष्ट्रपतिको हत्याको योजना कसले बनायो र केबाट प्रेरित थियो भन्नेबारे अहिलेसम्म केही स्पष्ट भएको छैन। यद्यपि, अन्तरिम प्रधानमन्त्री क्लाउड जोसेफले ५३ वर्षीय राष्ट्रपति मोइज मुलुकमा तानाशाही प्रणालीरिुद्ध लडिरहेको हुनाले उनलाई निसाना बनाइएको दाबी गरेका छन्।
मोइज सन् २०१७ को फेब्रुअरीदेखि हाइटीको राष्ट्रपति थिए। तर, भ्रष्टाचार अभियोगहरूका कारण उनको लोकप्रियता ओरालो लागेको थियो।
पछिल्लो समय उनले सरकारविरोधी हिंसात्मक विरोध प्रदर्शनहरूको सामना गर्दै आएका थिए। यसै वर्षको सुरुमा राजधानी र देशका अन्य सहरमा उनको राजीनामाको माग गर्दै व्यापक प्रदर्शनहरू भएका थिए। जसमा २३ जनालाई पक्राउ गरिएकाे थियाे।
विपक्षीहरूले मोइजका पूर्ववर्ती मिसेल मार्टेलीले सन् २०१६ फेब्रुअरी ७ मा पद त्याग गरेको मितिबाट ५ वर्ष पुगेको भन्दै उनको कार्यकाल २०२१ को फेब्रुअरी ७ मै सकिएको दाबी गरेका थिए। तर, मार्टेलीले पद त्यागेको मितिमा आफूले पद नसम्हालेको भन्दै मोइजले आफ्नो कार्यकाल अझै एक वर्ष बाँकी रहेको बताउने गरेका थिए।
चुनावमा धाँधली भएको भन्ने आरोपका कारण बीचको एक वर्ष ढिलाइ हुन गएको उनकाे भनाइ छ। जसका कारण सन् २०१५ को निर्वाचनको नतिजा रद्द गरेर गरिएकाे नयाँ निर्वाचनमा मोइज विजयी भएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1791388337.png)
