काठमाडाैं- अमेरिकी सरकारले अर्को पुस्तालाई अफगानिस्तानमा युद्ध लड्न नपठाउने घाेषणा गरेकाे छ।
आउँदो अगस्ट ३१ सम्ममा आफ्ना सबै सैनिक अफगानिस्तानबाट फिर्ता भएपश्चात कसैलाई युद्ध लड्न नपठाइने राष्ट्रपति जो वाइडेनले बताएका हुन्।
ह्वाइट हाउसबाट सम्बोधन गर्दै उनले जतिसक्दाे चाँढाे आफ्ना सैनिक फर्काउन सरकारले कसरत गरिएकाे जानकारी दिएका छन्।
‘जतिसक्यो छिटो अफगानबाट हाम्रा सैनिक फर्किनेछन्। अब आफ्नो देश कसरी चलाउने भन्ने निर्णय अफगानिस्तान सरकारले गर्नुपर्छ। अर्को पुस्ता अब अमेरिकाबाट अफगानिस्तानमा युद्ध लड्न जाने छैन,’ उनले भने।
लगभग २० वर्षदेखि अफगानिस्तानमा रहेका ९० प्रतिशत अमेरिकी सैनिक यसअघि नै स्वदेश फर्किसकेका छन्।
बाँकी १० प्रतिशत सैनिक पनि आउदो अगस्ट ३१ सम्ममा स्वदेश फर्किसक्ने उनले बताएका छन्। अमेरिकी सैनिक फर्किन थालेसँगै त्यहाँ विद्रोही समूह तालिबानले ८५ प्रतिशत क्षेत्र आफ्नाे कब्जामा लिएकाे दाबी गरेकाे छ।
सन् २००१ को सेप्टेम्बर ११ तारिखमा अमेरिकामा भएको आतङ्कवादी हमला पश्चात् अमेरिकी सेनाले झन्डै २० वर्ष अफगानिस्तानमा युद्ध गरेको थियो।
यस अवधिमा २ हजार ४ सय ४८ जना अमेरिकी सैनिकले अफगानिस्तानको युद्धमा ज्यान गुमाएका छन् भने २० हजार ७ सय २२ जना घाइते भएका छन्।
अमेरिकी सेना पूर्ण रूपमा फर्किए पनि ६५० देखि एक हजार सैनिक अधिकारी भने अमेरिकी अफगानिस्तानस्थित अमेरिकी दूतावास, काबुल विमानस्थल र अन्य सरकारी पूर्वाधारहरूको रक्षार्थ अफगानिस्तानमै बस्ने जनाइएकाे छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1765528419.png)
-1763721444.png)
-1765273665.jpg)
