काठमाडौं- कडा लकडाउनको कारण भोकमरीको चपेटामा रहेकाे उत्तर कोरियालाई रुसले पुनः कोरोनाविरुद्धकाे खोप दिने प्रस्ताव गरेको छ।
रुसमा विदेशमन्त्री सेर्गेइ लाभरोभले उत्तर कोरियालाई खाेप दिने प्रस्ताव गरेका हुन्। उनले धेरै पटक रुसले काेराेनाविरुद्धकाे खाेप दिने प्रस्ताव गरिएकाे पनि उत्तर काेरियाले त्यसलाई अस्वीकार गर्दै आएकाे जानकारी दिएका छन्।
यसै साता उत्तर कोरियाली शासक किम जोङ उनले कोराेना महामारीविरुद्धको कार्यमा सफलता हात पार्न नसेको र त्यसले गम्भीर संकट उत्पन्न हुँदा देश र नागरिक खतरामा परेको भन्दै पार्टीका शीर्ष नेताको आलोचना गरेका थिए।
राज्य नियन्त्रित मिडिया केसीएनएका अनुसार वर्कस पार्टी अफ कोरियाको पोलिटब्युरो बैठकमा किमले शीर्ष नेताहरुलाई गालीसमेत गरेका थिए।
तर, के भएको हो र कसरी यसले मानिसहरुलाईलाई जोखिममा पार्यो भन्नेबारे केही उल्लेख नगरिएको समाचार संस्था रोयटर्सले जनाएको छ। यद्यपि, काेराेना महामारी राेक्न लगाइएकाे लकडाउनले देशमा भाेकमरी बढेकाे छ।
उत्तर कोरियाले कोरोना संक्रमण नियन्त्रणको लागि छिमेकी देशहरुसँगको सीमा महिनौंदेखि बन्द गरेको छ भने आन्तरिक आवतजावतमा पनि नियन्त्रण राखेको छ।
उत्तर कोरिया खाद्यान्न, मल र इन्धनमा चीनसँग निर्भर छ। यद्यपि, सीमा बन्द हुँदा यी सामग्री उत्तर काेरिया पुग्न नसकेकाे आकलन गरिएकाे छ।
यता, उत्तर कोरियालाई यसअघि नै धेरै मुलुकले निकै कडा किसिमको प्रतिबन्धको सामना गर्न नसक्ने सल्लाह दिएका थिए।
यद्यपि, उत्तर कोरियाले त्यसलाई बेवास्ता गर्दै धेरै मुलुकले गरेको कोरोनाविरुद्धकाे खोप र सहयोगलाई अस्वीकार गर्दै आएको छ। उत्तर कोरियामाथि लगाइएको अन्तर्राष्ट्रिय व्यापार प्रतिबन्धले पनि खाद्यान्न आपूर्तिमा समस्या उत्पन्न भएको भएकाे छ।
यता, सर्वोच्च नेता किमले पनि आफ्नो मुलुकले अहिले खाद्यान्न संकटको सामना गर्दै आएको बताएका छन्। उनले अहिले उत्तर कोरियाको अवस्था तनावग्रस्त रहेको बताएका छन्। किम ले संकटको कारण अहिलेसम्मकै खराब अवस्था आउनसक्ने संकेत गरेका छन्।
उत्तर कोरियाले आधिकारिक रुपमा कसैमा पनि काेराेना संक्रमण भएकाे पुष्टि गरेकाे छैन। दक्षिण कोरिया र अमेरिकी अधिकारीहरुले उत्तरको यस्तो दाबीमाथि प्रश्न उठाउने गरेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1766381844.png)
-1764146706.png)
-1763721444.png)
