काठमाडाैं- अफगानिस्तानको विद्रोही समूह तालिबानले अमेरिकासहित नेटोमा आवद्ध देशका सबै सेनाले निर्धारित समयभित्र देश नछाडे गम्भीर परिणामको सामना गर्नुपर्ने चेतावनी दिएकाे छ।
नेटोमा आवद्ध देशका सबै सेना आगामी ११ सेप्टेम्बरमा फर्किँदै छन्। तर, काबुल अन्तर्राष्ट्रिय विमानस्थलमा कूटनीतिक मिसनको सुरक्षाका लागि करिब एक हजार सैनिक अफगानिस्तानमै रहने भएपछि तालिबानले प्रतिक्रिया जनाउन बाध्य हुने चेतावनी दिएकाे हाे।
तालिबानले बीबीसीसँग भनेको छ,‘तोकिएको समय सीमाभन्दा पछि बाहिरिने वा समय सीमापछि पनि अफगानिस्तानमा नेटोका सैन्य फौजको उपस्थिति देखिए उनीहरुलाई ‘कब्जा गर्ने’ समूहहरूका रूपमा लिइनेछ। उनीहरु जोखिममा आउन सक्नेछन्।’
अफगानिस्तानमा नेटोको विगत २० वर्षदेखि अफगानिस्तानमा जारी रहेको सैन्य अभियानमा अन्त्य हुने चरणमा छ। अफगानी सुरक्षा निकायले एक्लै देशको सुरक्षाको जिम्मा लिने तयारी गर्दै गर्दा काबुलको भविष्यबारे चिन्ता बढिरहेको छ।
तालिबानले थप क्षेत्रमा पकड स्थापित गरेसँगै अफगानमा हिंसा भने बढ्दो क्रममा छ। यद्यपि, केही सशस्त्र अफगान पुरुषहरुले तालिबानबाट काबुलको रक्षाका लागि अफगान सैनिकलाई सहयोग गर्ने बताउँदै आएका छन्।
तालिबानका प्रवक्ता सुहेल शाहीनले काबुलमा सैन्य कब्जा गर्नु आफूहरूको नीति नरहेको बताएका छन्। तरऽ फिर्ति प्रक्रिया समाप्त भएपछि कुनै पनि विदेशी सैनिक तथा सैनिक कन्ट्रयाक्टर रहनु नहुने उनीहरुले बिबिसीसँग बताएका छन्।
‘दोहा सम्झौताविरुद्ध उनीहरूले सेना कायमै राखे कसरी अघि बढ्ने भन्ने विषयबारे हाम्रो नेतृत्वले निर्णय लिने छ,’ शाहीनले भने,‘हामीले प्रतिक्रिया जनाउने छौँ। अन्तिम निर्णय भने हाम्रो नेतृत्वसँगै रहने छ।’
शाहीनले कूटनीतिज्ञ, गैर सरकारी संस्था र अन्य विदेशी सर्वसाधारणहरूलाई तालिबानले निशाना नबनाउने बताउँदै उनीहरूलाई दिइँदै आएको सुरक्षाको आवश्यकता नरहेको बताए।
‘हामी विदेशी सैन्य फौजको विरुद्धमा छौँ। कूटनीतिज्ञ, गैर सरकारी संस्था, कामदार र दूतावासहरू होइन। त्यो यस्तो कुरा हो जुन हाम्रा मानिसहरूलाई आवश्यक छ,’ उनले भनेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1791388337.png)
