काठमाडौं- दक्षिण अफ्रिकी पूर्व राष्ट्रपति ज्याकोब जुमालाई १५ महिने जेल सजाय सुनाइएको छ। दक्षिण अफ्रिकाको सबैभन्दा ठूलो अदालत कन्स्टिट्युशनल कोर्टले जुमालाई अदालतको मानहानी अभियोगमा दोषी ठहर गरेको हो।
राष्ट्रपति रहेको समयमा जुमा भ्रष्टाचारको एक प्रकरणमा बयानका लागि जाँच आयोग समक्ष जानु थियो। एक पटक जाँच आयोग गएका भएपनि उनी त्यसपछि उपस्थित भएनन्। त्यतिबेला अदालतले जाँच आयोगमा उपस्थित हुन आदेश दिएको भएपनि उनी उपस्थित भएनन्।
सन् २०१८ मा जुमाको कार्यकाल समाप्त भयो।
पदमा रहँदा उनीमाथि भ्रष्टाचारका कयौं आरोप लागे। त्यतिबेला केही घरानीया व्यापारीले राजनेतासँगको साठगाँठमा निर्णयहरुमाथि प्रभावित गरिरहेको आरोप लाग्ने गरेको थियो।
ज्याकोब जुमालाई अहिले गिरफ्तार गरिने छ वा छैन भन्नेबार स्पष्ट नभएको बीबीसीले जनाएको छ।
अर्को एक मुद्दामा जुमाले गत महिना आफू निर्दोश भएको बताएका थिए। नब्बेको दशकको यो प्रकरणमा उनीमाथ पाँच अर्ब डलरको रक्षा सामाग्री खरीदमा भ्रष्टाचारको आरोप छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1766385589.png)
-1766381844.png)
-1764146706.png)
-1763721444.png)
