सिओल(दक्षिण कोरिया)–कोरियामा कार्यरत विदेशी श्रमिकले कार्यस्थल परिवर्तन गरे पनि दोस्रो कार्यकालका लागि कमिटेड भिसामा कोरिया आउन पाउने कानुन बुधवार पारित भएको छ।
सो कानुन निर्माणका लागि यहाँको श्रम मन्त्रालयले गत असोजमा मस्यौदा तयार पारेको थियो। उक्त कानुन कोरियाको संसदवाट पारित भएसँगै अब उस्तै प्रकृतlको कार्यस्थल परिवर्तन गरेका विदेशी श्रमिकले दोस्रो कार्यकालका लागि कोरिया रोजगारीमा कमिटेड भिसामा आउन पाउने बाटो खुलेको प्रवासी मजदुर युनिनियन (एमटियु)ले जनाएको छ।
यसअघि एउटै कम्पनीमा लगातार ४ वर्ष १० महिना काम गरेको विदेशी श्रमिकलाई रोजगारदाताले चाहेको खण्डमा अन्य थप सरकारी मापदण्ड पूरा गरेर सिधै दोस्रो कार्यकालका लागि भिसा उपलब्ध गराउने व्यवस्था थियो।
बुधवार उक्त कानुन पारित भएसँगै अब उस्तै प्रकृतिको काम परिवर्तन गरेर एक वर्षसम्म काम गरेको विदेशी श्रमिकलाई रोजगारदाताले चाहेको खण्डमा पुन भिसा प्रदान गर्न सक्ने युनियनका अध्यक्ष उदय राईले जानकारी दिए।
उक्त कानुन बुधवार पारित भएतापनि लागु हुन भने थप ६ महिना कुर्नुपर्ने राईले बताए । उनले थपे, ‘अहिले कानुन पारित भएको हो, तर व्यावहारिक रुपमा भने ६ महिनापछि मात्र लागु गर्ने भनिएको छ ।’ कोरियामा एमटियु, मानव अधिकारसँग संवद्ध संस्थाहरु, अन्तर्राष्ट्रिय श्रमिक युनियन लगायत मजदुर अधिकारवादीहरुको चर्को दवावपछि उक्त विषयले कानुनी रुप पाएको उनले बताए।
‘हामीले कम्पनी परिवर्तन गरेका विदेशी श्रमिकले पनि कमिटेड भिसा पाउनुपर्ने माग निरन्तर राख्दै आएकोमा यत्तिको कानुन आउनुलाई पनि स्वागत योग्य नै भन्नुपर्छ,’ राईले भने, ‘ तर कार्यस्थल परिवर्तन गनुपर्ने अवस्था आइसकेपछि सोही प्रकृतिको काममा परिवर्तन गरेर जानेहरु निकै कम हुन्छन् । फलाममा काम गाह्रो भएर कार्यस्थल परिवर्तन गर्न चाहने श्रमिक फेरि पनि फलामकै सोहि प्रकृतिको काममा परिवर्तन गरेर जान्छ भन्ने कम नै हुन्छ ।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
.jpg)
-1763721444.png)
