काठमाडौं- निजी हवाई सेवा प्रदायक कम्पनी सिम्रिक एयरलाइन्सले विमानस्थल सेवा शुल्क वापतको बक्यौता भुक्तानी नगरेसम्म उडान गर्न नपाउने भएको छ। कोरोना सुरु भएसँगै २०७६ चैतदेखि उडान बन्द भएको सिम्रिक एयरले अहिलेसम्म उडान गरेको छैन।
अरु एयरलाइन्स कम्पनी बुद्ध, यती, श्री, सौर्य, सिता, तारा र समिट एयरले सरकारले उडान गर्न दिएलगतै उडान सुरु गरेका थिए। अन्य एयरलाइन्स कम्पनीले आनतरिक उडान सुरु गरेको पनि ६ महिना भइसकेको छ। तर, सिम्रिक एयरलाइन्सले उडान गर्न सकेको छैन।
सिम्रिक एयरलाइन्सले उडान गर्नु नसक्नुको एउटै कारण हो विमानस्थल शुल्क वापतको बक्यौता भुक्तानी नगर्नु। सिम्रिक एयरले नेपाल नागरिक उड्डनय प्राधिकरणलाई तिर्नु पर्ने विमानस्थल सेवा शुल्क वापतको बक्यौता रकम २ करोड २९ लाख रूपैयाँभन्दा बढी भइसकेको छ।
विमानस्थल सेवा शुल्क वापतको रकम भुक्तानी नगर्दासम्म सिम्रिक एयरलाइन्सले उडान गर्न नपाउने नेपाल नागरिक उड्डन प्राधिकरणमा महानिर्देशक राजन पोखरेले बताए। एयरलाइन्सको नाम परिर्वत गरेर गुण एयरलाइन्स बनाउने प्रस्ताव समेत प्राधिकरणमा आइसकेको छ।
यसअघि गुण एयरलाइन्सको नाम परिर्वतन गरेर सिम्रिक एयरलाइन्स बनाइएको थियो। फेरि सिम्रिकको नाम परिर्वतन गरेर गुण एयरलाइन्स बनाउने प्रस्ताव प्राधिकरणमा पुगको छ।
प्राधिकरणले नाम परिर्वतन तथा जहाज खरिद गर्ने विषय आफ्नो ठाउँ रहेपनि विमानस्थल सेवा शुल्क वापतको बक्यौता भुक्तानी नगर्दासम्म सिम्रिक एयरलाइन्सको उडान अनुमति नपाउने प्राधिकरणको भनाइ छ।
यता, सिम्रिक एयरलाइन्सले भने विमानस्थल सेवा शुल्कको रकम भुक्तानी एकैपटकमा नसकेपनि किस्ताबन्दीमा तिर्ने सम्झौता गर्दै उडान गर्ने बताएको छ।
कोभिड सुरु हुनु भन्दा अगाडि पनि सिम्रिकले विमानस्थल सेवा शुल्क वापतको रकम किस्ताबन्दीमा तिर्दै आएको थियो। तर, कोभिडसँगै उडान बन्द भएपछि भने एयरलाइन्सले विमानस्थल सेवा शुल्क वापतको पुरानो रकम तिरेको छैन।
विमानस्थल सेवा शुल्क वापतको रकम नतिर्ने एयरलाइन्सले अहिले फेरि यती एयरलाइन्सको ५ वटा जेट स्ट्रीम जहाज पनि खरिद गर्ने निर्णय अन्तिम चरणमा पुर्याएको छ।
सिम्रिक एयरलाइन्सक एक कर्मचारीले जहाज खरिद गर्दै विमानस्थल सेवा शुल्क वापतको बक्याैता रकम पनि किस्तामा भुक्तानी गर्दै उडान सुरु गर्ने बताए।
प्राधिकरण स्रोतले भने सिम्रिम एयरलाइन्सले विमानस्थल सेवा शुल्क भुक्तानी नगर्ने र जहाज खरिद गर्ने भन्दै नौटंकी गरेको बताएको छ। सिम्रिक एयरलाइन्ससँग अहिले १८ सिट क्षमताका २ वटा विजक्राफ्ट जहाज छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1789631269.jpg)
