न्यूयोर्क- अमेरिकाका संघीय नियामकहरू र ४५ भन्दा धेरै राज्यका अभियोजनकर्ताहरूले फेसबुकले गैरकानुनी कदममार्फत् आफ्ना प्रतिस्पर्धीहरूलाई किन्ने र प्रतिस्पर्धीलाई कमजोर पार्ने काम गरेको दाबीसहित मुद्दा दायर गरेका छन्। उक्त कम्पनीविरूद्ध मुद्दा दर्ता गरेकामध्ये यो गम्भीर कानुनी कदम भएको बताइएको छ।
सामाजिक सञ्जाल कम्पनीविरूद्ध अमेरिकी सरकारले लिएको अहिलेसम्मकै सबैभन्दा उल्लेख्य कानुनी कदममध्ये पनि एक हो।अधिकारीहरूले अदालतलाई उक्त कम्पनीलाई टुक्र्याउने विषयमा सोच्नसमेत आग्रह गरेका छन्।
के के छन् फेसबुकमाथि आरोप?
४८ वटा राज्यले लगाएको उक्त मुद्दाको नेतृत्व गरेकी न्यूयोर्ककी महान्यायाधिवक्ताले उक्त कम्पनीले एक दशकसम्म प्रतिस्पर्धीहरूलाई चुप लगाउन अनेक प्रोपोगान्डा गर्ने गरेको दाबी गरेकी छन्। फेसवुकले प्रयोगकर्ताहरूको मूल्यमा आफ्नो एकाधिकारको दुरुपयोग गरेको उनको दाबी छ।
अधिकारीहरूले फेसबुकले खासगरी साना र सम्भावित प्रतिस्पर्धी कम्पनीहरूलाई ‘किन्ने र किन्न नसकेमा सिध्याउने’ शैली अबलम्वन गरेको गम्भीर आरोप लगाइएको छ।
इन्स्टाग्राम र ह्वाट्सएपलाई भविष्यका प्रतिस्पर्धीको रूपमा लिई भरखर गति लिन खोज्दा खोज्दै ती कम्पनीलाई खरिद गरेर समाप्त पारेको अधिकारीहरुको जिकीर छ। फेसबुकले ती कम्पनी त्यसबेला खरिद गर्नुको पछाडि आफ्नो प्रतिस्पर्धीको रूपमा ती कम्पनी नआउन् भन्ने इच्छा र एकलौटी रुपमा बजारमा अधिपत्यता कायम गर्नु भएको उनीहरुको दाबी छ।
अधिकारीहरूले इन्स्टाग्राम र ह्वाट्सएपबाट लगानी झिक्न लगाएर फेसबुकको आकार सीमित गरिनुपर्ने माग गरेका छन्। यदि यो काम तत्काल हुन नसकेमा फेसबुकले बजार कब्जा गरेर त्यसको दुरुपयोग गर्ने उनीहरुको जिकीर छ।
फेसबुकले के भन्यो?
फेसबुकले अहिले अनुसन्धान गर्न खोजिएका सम्झौता नियामकहरूले वर्षौँअघि स्वीकृत गरिसकेकाले यो अनावश्यक भएको दाबी गरेको छ।
फेसबुककी एक वरिष्ठ कानुनी सल्लाहकार जेनिफर न्यूजस्टिडले यस्तो आरोपमा सत्यता नभएको टिप्पणी गरेकी हुन्। ‘सरकारले फेरि उही कुरा दोहोर्याउन चाहेको छ। त्यसले अमेरिकी व्यावसायलाई कुनै पनि बिक्री अन्तिम होइन भन्ने डरलाग्दो चेतावनी दिएको छ‚’ उनले भनिन्‚ ‘फेसबुकले इन्स्टाग्राम र ह्वाट्सएपलाई सफल बनाउन करोडौँ खर्च गरेको छ।’
उक्त मुद्दामा फेसबुकका प्रमुख मार्क जुकरबर्गले पठाएका आन्तरिक सन्देशहरूलाई समेत उद्धृत गरिएको छ। जसमा सन् २००८ को एउटा इमेलमा उनले ‘प्रतिस्पर्धा गर्नुभन्दा किन्नु राम्रो’ लेखेका थिए।
‘फेसबुकसँग अपिल गर्नका लागि पर्याप्त अवसरहरू हुनेछन्। त्यसैले तत्कालै फेसबुक टुक्रिहाल्ला भन्ने नसोच्दा हुन्छ’ बिबिसीका उत्तर अमेरिका प्रविधि संवाददाता जेम्स क्ल्याटन भन्छन्‚ ‘तर अदालत र नेताहरू कुन दिशातर्फ गइरहेका छन् भन्ने यो थप सङ्केत हो।’
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
