ब्रोडब्यान्ड इन्टरनेटका १८ परियोजनामा ६९ प्रतिशत प्रगति

सूचना-प्रविधि

नेपाल लाइभ बुधबार, मंसिर १०, २०७७ २२:२३

प्रतीकात्मक तस्बिर

काठमाडौं- देशैभर उच्च गतिको ब्रोडब्यान्ड इन्टरनेट पुर्‍याउने लक्ष्यसहित नेपाल दूरसञ्चार प्राधिकरणले अघि बढाएका १८ परियोजनाको ६९ प्रतिशतभन्दा बढी प्रगति भएको छ। कात्तिक मसान्तसम्म १८ ब्रोडब्यान्ड परियोजनाको प्रगति ६९.३७ प्रतिशत भएको प्राधिकरणले जानकारी दिएको छ।

प्राधिकरणले ग्रामीण दूरसञ्चार विकास कोषको रकम प्रयोग गरी ब्रोडब्यान्ड इन्टरनेट सेवा उपलब्ध गराउनेसम्बन्धी परियोजनालाई १८ वटा प्याकेज बनाएर सञ्चालन गरेको थियो।

१२ वटा प्याकेजअन्तर्गत ४६ जिल्लामा तोकिए बमोजिमका स्थानहरुमा जडान सम्पन्न भएको प्राधिकरणका प्रवक्ता मीनप्रसाद अर्यालले जानकारी दिए। उनका अनुसार, १८ प्याकेजमध्येमा हालसम्म ११ हजार ८६ स्थानमा इन्टरनेट जडान सम्पन्न भएको छ, जसमा ५०६ स्थानीय तह, चार हजार १६५ वडा कार्यालय तथा तीन हजार ४७२ माध्यमिक विद्यालय तथा दुई हजार ९४३ स्वास्थ्य संस्था रहेका छन्।

प्राधिकरणको तथ्याङ्कअनुसार दुईवटा प्याकेजअन्तर्गतका ९ जिल्लामा ५० प्रतिशतभन्दा बढी, चार प्याकेजअन्तर्गतका १९ जिल्लामा कनेक्टिभिटी जडानका लागि सेवा प्रदायकहरु छनोट भई निर्माण कार्य भइरहेको छ।

यसैगरी, ४ हजार ८९६ मा इन्टरनेट जडानको कार्य बाँकी रहेको छ। त्यसमध्ये कात्तिक मसान्तसम्म ४६ जिल्लाहरुमा शतप्रतिशत र बाँकी ९ जिल्लामा ५० प्रतिशत काम सम्पन्न भई इन्टरनेट सेवा सञ्चालनमा आएको छ। त्यस्तै, चारवटा प्याकेजअन्तर्गत १९ जिल्लामा नेटवर्क तथा कनेक्टिभिटी जडानका लागि सम्झौता भइसकेको प्राधिकरणले जनाएको छ।

कुल ५ पाँच अर्ब २६ करोड ९७ लाख ७० हजार रकममध्येमा हालसम्म २ अर्ब ७१ करोड रुपैयाँमा ब्रोडब्यान्ड परियोजनाका लागि सेवा प्रदायकहरुलाई भुक्तानी गरिएको प्रवक्ता अर्यालले जानकारी दिए। उनका अनुसार, उक्त परियोजनाअन्तर्गत देशभरका नगरपालिका, गाउँपालिका, वडा कार्यालय, शैक्षिक संस्था तथा स्वास्थ्य संस्थाहरुमा निःशुल्क ब्रोडब्यान्ड इन्टरनेट सेवा उपलब्ध गराउन लागिएको हो।

प्राधिकरणले ग्रामीण दूरसञ्चार कोषअन्तर्गत ब्रोडब्यान्ड इन्टरनेट विस्तारमा काठमाडौँ उपत्यकाका तीन जिल्ला काठमाडौँ, ललितपुर र भक्तपुरलाई समेटेको छैन। ७४ जिल्लाका ७०२ स्थानीय तह, पाँच हजार ९३३ वडा कार्यालय, पाँच हजार २२५ मावि र चार हजार १२२ स्वास्थ्य संस्था गरी १५ हजार ९८२ स्थानमा इन्टरनेट विस्तारको अनुमान गरेर १८ प्याकेजमार्फत विस्तार गरेको छ। -रासस

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

वायुसेवा निगम सुधार्न ४ सदस्यीय अध्ययन समिति गठन

संसदीय समितिमा राजकिशोर यादव र प्रेम सुवालबीच चर्काचर्की

सहकारी ठगी प्रकरण: रवि लामिछानेसहितको थुनछेक बहस सकियो, आजै आदेश आउने सम्भावना