काठमाडौं–तिहार, छठ तथा नेपाल संवतको नयाँ वर्ष (न्हु दया)का अवसरमा नेपाल टेलिकमले एसएमएस प्याकका साथै विभिन्न प्रकारका प्याक उपलब्ध गराएको छ।
सामान्य अवस्थामा एउटा एसएमएस पठाउँदा ५० पैसा शुल्क लाग्ने गरेको छ। हाल टेलिकमले उपलब्ध गराइरहेको अटम अफरअन्तर्गतको एसएमएस प्याकमा तीन प्रकारका सहुलियत उपलब्ध छन्। जसमा ५ रुपैयाँमा २० वटा एसएमएस, १५ रुपैयाँमा ७० वटा र ६० रुपैयाँमा ३०० वटा एसएमएस रहेका छन्। यी प्याक क्रमशः १ दिन, ७ दिन र २८ दिनभित्र प्रयोग गर्न सकिने टेलिकमले जनाएको छ।
२० वटा एसएमएसका लागि एमएसएस२०, ७० वटा एसएमएसका लागि एसएमएस७० र ३०० वटा एसएमएसका लागि एसएमएस३०० लेखेर १४१५ मा एसएमएस पठाउन सकिन्छ । यसैगरी *1415*1*5# डायल गरेर वा टेलिकमको एपबाट पनि एसएमएस सेवा खरिद गर्न सकिन्छ।
नेपाल टेलिकमको पोस्टपेड प्रयोगकर्ताहरुले पोस्टपेडका विभिन्न प्याकमध्ये प्राइम, प्रिमियम, गोल्ड र डायमन्ड प्याक लिंदा एसएमएस, भ्वाइस र डाटा प्याकहरु समेत प्रयोग गर्न सकिन्छ। पोस्टपेड प्राइम प्याक लिँदा २ सयवटा एसएमएस, प्रिमियम प्याक खरिद गर्दा ५ सय वटा र गोल्ड तथा डायमन्ड प्याक खरिद गर्दा १ हजार वटा एसएमएस पठाउन सकिने सुविधा उपलब्ध छ। यी एसएमएस एक महिनासम्म कुनै पनि समयमा पठाउन सकिन्छ। पोस्टपेड प्याक खरिदसम्बन्धी विस्तृत जानकारी लिनका लागि आफ्नो मोबाइलमार्फत् *1415*2# डायल गर्न सकिन्छ ।
कर्पोरेट कार्यालयका लागि उपलब्ध गराइएको कर्पोरेट युजर ग्रुप (सीयूजी) अन्तर्गत रहेर पनि सहुलियत दरमा एसएमएस पठाउन सकिने टेलिकमले जनाएको छ। सीयूजी प्याक अन्तर्गत २००, ५००, १००० र १५०० रुपैयाँ दरका विभिन्न अफरअन्तर्गत रहेर ग्रुपमा आबद्ध र ग्रुपभन्दा बाहिरका नम्बरमा समेत कल गर्न र एसएमएस गर्न सकिने जनाइएको छ। उक्त प्याकअन्तर्गत अन्य सुविधाका अतिरिक्त क्रमशः ५०, १००, २०० र ४०० वटा एसएमएस आवश्यकता अनुसार एक महिनाभित्र पठाउन सकिने जनाइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1765768760.png)
-1763721444.png)
-1765273665.jpg)
