काठमाडौं–सामसङले ‘ग्यालेक्सी जेड फोल्ड टु’ स्मार्टफोन नेपाली बजारमा ल्याएको छ। ग्यालेक्सी जेड फोल्ड टु, थर्ड जेनरेसन फोल्डेबल स्मार्टफोन नेपालमा पहिलोपल्ट उपलब्ध गराइएको हो। सामसङले फोल्ड प्रविधि नेपालमा पहिलोपल्ट भित्र्याएको हो।
स्मार्टफोन अत्याधुनिक प्रविधिप्रेमीहरुलाई लक्षित गरी तयार गरिएको यो फोन ठूलो कभर स्क्रिन, ठूलो स्क्रिन, ग्यालेक्सी जेड फोल्ड टु विशेष डिजाइन र कलात्मक नयाँ फिचरमा उपलब्ध छ । यो फोन बोल्ड डिजाइन तथा एड्भान्स इन्जिनियरिङले सजिएको छ। यसमा ६ दशमलव २ इन्चको इनफिनिटी ओ स्किन कभर रहेको कम्पनीले जनाएको छ।
ग्यालेक्सी जेड फोल्ड टु १५.७४ से मी (६.२ इन्च), इनफिनिटि–ओ स्क्रिन कभरको हरेकपल्ट डिभाइस अनफोल्ड नगरिकन, मेल चेक गर्न तथा आफूलाई मन परेको कन्टेन्ट मज्जाले हेर्न अधिकतम उपयोग गर्न सकिन्छ । जब अनफोल्ड गरिन्छ १९.३० से मी (७.६ इन्च) न्यूनतम बेजलको फाइदा लिन सकिन्छ।
त्यस्तै कभर र मेन स्क्रीन बीचमा बाउन्ड्री विस्तार गरी विस्तारित क्षेत्रको उपयोगिता प्रदान गर्न यसमा फ्लेक्स मोडलाई फोनसँग पेयर गर्न सकिने सुविधा रहेको छ । यसको सहज एवं फ्लेक्जिविलिटीले गर्दा प्रयोगकर्तालाई सामग्रीहरुको सिर्जना गर्न वा हेर्न थप सहजता प्रदान गर्दछ ।
यसको फ्लेक्स मोडले गर्दा यस फोनमा रियल टाइममै विषयवस्तुहरु कैद गरी त्यस्ता विषयवस्तुलाई सहजै व्यवस्थापन गर्न सकिन्छ। यसको क्याप्चर भ्यू मोडलले प्रयोगकर्ताले क्यामरा छोड्नु नै पर्दैन । स्पष्टसँग फोटो वा भिडियोहरुका मोस्ट रिसेन्ट पाँच वटा तस्वीर वा भिडियो मेन स्क्रीनको तलपट्टि देखा पर्दछ र अर्को फोटोको प्रिभ्यू टप हाफमा देखा पर्दछ। ग्यालेक्सी जेड फोल्ड टु मा ह्याण्डस् फ्रिको अवस्थामा पनि भिडियो रेकर्ड गर्ने सुविधा उपलब्ध रहेको छ र चलिरहेकै अवस्थमा पनि विषय निर्धारण गर्न सकिन्छ।
कम्पनीकाअनुसार फोनमा विशेष तहको फ्ल्यागसिप क्यामरा क्वालिटी एवं कन्ट्रोल सुविधा रहेको छ। यसमा भएका प्रोभिडियो मोड, सिङ्गल टेक, ब्राइट नाइट र नाइट मोडजस्ता सुविधाहरुले ग्यालेक्सी जेड फोल्ड टु मा एकदमै उत्कृष्ट फोटो खिच्न सकिन्छ। यस फोनको फोल्डेबल सुविधाले मेन स्क्रीनलाई टेलरिङ्ग गरी ट्याब्लेट आकारको बनाउन सकिने सुविधा उपलब्ध छ ।
मेन स्क्रिनमा आफ्नो आवश्यकता अनुसारका अप्टिमाइज्डल युएलको छनोट गरेर सहज एवं शीघ्र रुपमा ठूलो स्क्रीन र परम्परागत स्क्रीनबीच परिवर्तन गर्न सकिन्छ।
४५०० एमएच ब्याट्री भएको यो फोनका चार्ज दिनभर टिक्ने र चार्ज पनि छिटो हुने बताइएको छ। ग्यालेक्सी जेड फोल्ड टु को मूल्य २ लाख ४९ हजार ९९ रुपैयाँ रहेको छ। यो २०७७ साल असोज २९ गतेदेखि नेपालभरका सामसङ ब्राण्ड स्टोरहरु तथा विशेष रिटेल स्टोरमार्फत् उपलब्ध गरिएको छ ।
यो मिस्ट्रिक ब्ल्याक र मिस्ट्रिक ब्रोञ्ज गरी दुई रंगमा उपलब्ध छ। यो फोन खरिद गर्ने ग्राहकलाई एक पटकका लागि एनएलजी इस्युरेन्समार्फत् टुटफुटमा १ वर्षको बिमा सुविधा पनि प्रदान गरिने कम्पनीले उल्लेख गरेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
