वर्ल्डलिंक र फेसबुकबीच साझेदारी, अब नेपालका ७५ सय स्थानमा एक्सप्रेस वाईफाई

सूचना-प्रविधि

नेपाल लाइभ बुधबार, असोज २८, २०७७ १४:२४

काठमाडौं–इन्टरनेट सेवा प्रदायक वर्ल्डलिंक कम्युनिकेसनले फेसबुकसँगको साझेदारी घोषणा गरेको छ।

वर्ल्डलिंकले आफ्ना प्रयोगकर्तालाई छिटो, किफायती र भरपर्दो वाईफाई सेवाका लागि फेसबुक कनेक्टिभीटी (जडान) मा साझेदारी घोषणा गरेको हो।

साझेदारीसँगै ७ हजार ५ सय वाईफाई हटस्पट थप गर्ने योजना वर्ल्डलिंकको छ। वर्ल्डलिंकका अनुसार, एक्सप्रेस वाईफाइले वर्ल्डलिंकलाई नेपालभरका १० हजार वाईफाई हटस्पटमध्ये ७ हजार ५ सय वाईफाई हटस्पटलाई सहयोग गर्दै बलियो बनाउनेछ। वर्ल्डलिंकले सन् २०१८ देखि १० हजार सार्वजनिक ठाउँमार्फत् ५ लाखभन्दा बढी ग्राहकलाई निःशुल्क वाईफाई सेवा दिईरहेकोमा अब ७ हजार ५ सय स्थानमा एक्सप्रेस वाईफाई विस्तार गर्न लागेको हो । यो सेवाले निम्न वर्ग र कनेक्सन कम भएको ठाउँमा वाइफाइ सेवा सञ्चालन गर्न सहयोग गर्ने र यसलाई दीर्घकालिन योजनाका रुपमा अगाडि बढाउन फेसबुकसँग सहकार्य गरेको कम्पनीले जनाएको छ ।

सहकार्यसँगै वर्ल्डलिंक नेपालभर सार्वजनिक क्षेत्रमा इन्टरनेट सेवाहरुको दिगो विस्तार गर्नका लागि अझ सबल बनेको दाबी गरेको छ। सन् २०३३ सम्ममा मुलुकमा ३० हजार ठाउँमा सार्वजनिक वाईफाइ सञ्चालन गर्ने योजना रहेको वर्ल्डलिंकले जनाएको छ।

साझेदारीको माध्यमबाट वर्ल्डलिंकले फेसबुक कनेक्टिभीटी एक्सप्रेसको प्लेटफर्ममार्फत् नेपालको वाईफाईको वर्तमान अवस्थामा अझ सुधारका लागि सहयोग गर्ने जनाएको छ। वर्ल्डलिंकका प्रबन्ध निर्देशक दिलिप अग्रवालले वर्ल्डलिंक नेपालका दुर्गमसहितका क्षेत्रका प्रयोगकर्ताका लागि इन्टरनेटको पहुँच वृद्धि गरी डिजिटल डिभाइडको पुलको रुपमा अघि बढ्न सक्षम रहेको बताए। ‘फेसबुकसँगको साझेदारी र एक्सप्रेस वाईफाईको विकासले कर्पोरेट सामाजिक उत्तरदायित्व बढावा दिन तथा इन्टरनेट जडान नभएका र विपन्न वर्गलाई सहयोग पुर्‍याउने,’ उनले भने ‘यसले एकै समयमा हरेक व्यक्ति र ठाउँमा छिटो, भरपर्दो र सस्तो रुपमा सेवा दिएर हाम्रो सार्वजनिक वाईफाइ सेवा सुधार गर्नेछ ।’

फेसबुकका मोबाइल साझेदारीका निर्देशक करण खाराले उच्चस्तरीय इन्टरनेट पहुँच रोजगारीका साथै शिक्षा, स्वास्थ्य सेवासहितको सुनिश्चितताका लागि अत्यावश्यक वस्तु रहेको बताउँदै एक्सप्रेस वाईफाइ प्लेटफर्मको साथमा वर्ल्डलिंक नेपालमा वाईफाई विस्तारलाई दिगो बनाउन सक्षम हुने बताए ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

देशको आर्थिक उन्नतिका लागि अब कांग्रेसले नेतृत्व लिनुपर्छ: पूर्वमन्त्री कार्की

वायुसेवा निगम सुधार्न ४ सदस्यीय अध्ययन समिति गठन

संसदीय समितिमा राजकिशोर यादव र प्रेम सुवालबीच चर्काचर्की