जोखिमपूर्ण घरबाट सेवा दिँदै अछामका १९ प्रहरी यूनिट

समाज

नेपाल लाइभ बुधबार, वैशाख १२, २०७५ ०३:२५

अछाम– जिल्ला प्रहरी कार्यालय, अछाम मातहतका विभिन्न प्रहरी यूनिटलाई जोखिमपूर्ण घरमा बस्नुपर्ने बाध्यता छ।

आफ्नै भवन नहुँदा जिल्लाका विभिन्न १९ वटा प्रहरी यूनिट भाडाका जोखिमपूर्ण घरमा असुरक्षित रुपमा बस्नुपर्ने बाध्यता भएको हो।

जिल्ला प्रहरी कार्यालयलगायत ९ वटा प्रहरी यूनिट मात्रै आफ्नै भवनमा बसेका छन् भने बाँकी प्रहरी यूनिट असुरक्षित र जोखिमपूर्ण घरमा बस्नुपर्ने बाध्यता रहेको जिल्ला प्रहरी कार्यालय अछामका प्रहरी नायब उपरीक्षक दधिराम न्यौपानेले बताए। सबैलाई सुरक्षा दिने प्रहरीले नै जोखिमपूर्ण र असुरक्षित घरमा बस्नुपर्दा निकै समस्या भएको प्रहरी नायब उपरीक्षक न्यौपानेको भनाइ छ।

लामो समयदेखि अरुको घरमा भाडा तिरेर बसेका प्रहरी यूनिटलाई पछिल्लो समय स्थानीय तहका कारण थप समस्या भएको छ। स्थानीय तहका कारण भाडा बढाउने र घर छोड्नका लागि ताकेता गर्ने समस्याका कारण भाडाका घर नै नपाउने जस्ता समस्या पनी बढेको प्रहरी नायब उपरीक्षक न्यौपानेले बताए।

‘भाडाका १९ वटा प्रहरी यूनिटमध्ये ५ वटा यूनिटलाई त अति जीर्ण भवनमा बसाल्नु परेको छ,’ प्रहरी नायब उपरीक्षक न्यौपानेले भने, ‘प्रहरी आफैँ असुरक्षित हुँदा जनतालाई सुरक्षा दिन थप समस्या भएको छ।’ कालेकाँडा, शान्तडा, मेल्लेख, ढकारी र सिउडी प्रहरी चौकी अतिनै जोखिमपूर्ण घरमा बसेर सेवा दिइरहेको जिल्ला प्रहरी कार्यालय अछामले जनाएको छ।

माथिल्लो निकायबाट सीमित मात्रामा बजेट आउने र उक्त मातहतका प्रहरी यूनिट सञ्चालन गर्न निकै समस्या हुने गरेको बताइएको छ। यस्तै, बेल्खेत, गैरीटाँड र तुर्माखाँदमा रहेका तीनवटा अस्थायी प्रहरी पोष्टका लागि आवश्यक व्यवस्थापनको काम कार्य स्थानीय तहसँग समन्वय गरेर भइरहेको छ।

भौगोलिक हिसाबले निकै ठूलो र छरिएका बस्ती भएको अछाम जिल्लामा प्रहरीलाई शान्ति सुरक्षालगायतका सेवा दिन समस्या हुनेगरेको प्रहरी कार्यालयको गुनासो छ। जिल्लाभरिमा रहेका २८ वटा प्रहरी यूनिटमा ४ सय जना प्रहरी कार्यरत रहेका छन्। रासस

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

हार्वर्ड विश्वविद्यालयमा विदेशी विद्यार्थी भर्ना रोक्ने ट्रम्प प्रशासनको कदममा अदालतको रोक

पहिरोले कालीगण्डकी कोरिडोर अवरुद्ध

अवरुद्ध कान्ति लोकपथ पूर्ण रूपमा सञ्चालनमा