काठमाडौं- शाओमी ग्लोबल टेक्नोलोजी लिडरले नेपालमा रेडमी नोट सिरिज स्मार्टफोनको नवौं पुस्तामा नयाँ स्मार्टफोन थप्ने घोषणा गरेको छ। यस वर्षको सुरुवातमा सार्वजनिक भएका रेडमी नोट ९ र रेडमी नोट ९ प्रो यो सिरिजको तेस्रो स्मार्टफोन हो।
शाओमीको वेस्ट सेलिङ्ग सिरिज रेडमी नोटले प्रो म्याक्स भेरियन्ट ल्याएको हो। यसमा १६.९ सीएम (६.६७ इन्च) एफएचडी प्लस डट डिस्प्ले र २०ः९ सिनेमेटिक स्क्रिन रहेको कम्पनीले जनाएको छ। रेडमी नोट ९ प्रो म्याक्समा जेड एक्सिस लिनियर भाइब्रेसन मोटर विशेषता रहेको छ।
रेडमी नोट ९ प्रो म्याक्समा ५०२० एमएएच ब्याट्री रहेको छ। यसमा क्वाड क्यामेरा सेटअपको सुविधासहित ६४ एमपी सामसङ्ग आइसोसेल ब्राइट जीडब्ल १ सेन्सर, ११९ डिग्री फिल्ड अफ भ्यूका साथ ८ एमपी अल्ट्रा—वाइड सेन्सर, उद्योग अग्रणी ५ एमपी म्याक्रो सेन्सर र २ एमपी डेप्थ सेन्सर छ। फ्रन्टमा ठूलो ३२ एमपी सेन्सर छ, जसले उच्च गुणस्तरको फोटोग्राफी, भिडियोग्राफी र एआई फेस अनलक गर्न मद्दत गर्दछ।
१० हजार एमएएच मी पावर बैंक २ आई र २० हजार एमएएच मी पावर बैंक २ आई
१० हजार एमएएच मी पावर बैंक २ आईमा एलिगेन्ट डबल एनोडाइज्ड एल्युमुनियक डिजाइन छ। यसले गुणस्तरीय स्मार्टफोनलाई धेरै पटकसम्म चार्ज गर्न सक्छ।
उच्च क्षमता भएको २० हजार एमएएच मी पावर बैंक २ आईमा लिथियम पोलिमर ब्याट्री र डुअल यूएसबी आउटपुट डिभाइस छ। जसले एकैपटक दुईवटा उपकरण चार्ज गर्न सक्छ।
रेडमी नोट ९ प्रो म्याक्स तीन कलर भेरियन्ट—इन्टरस्टेलर ब्ल्याक, अरोरा ब्लु र ग्लेसियर ह्वाइटमा उपलब्ध छ। यसमा ६जीबी प्लस १२८जीबी स्टोरेज भएको फोनको मूल्य ३१ हजार ९ सय ९९ र ८ जीबी प्लस १२८जीबी स्टोरेजभएको फोनको मूल्य ३४ हजार ९ सय ९९ रहेको छ।
मी पावर बैंक २ आई दुई भेरियन्टमा १० हजार एमएएच र २० हजार एमएएचको उपलब्ध छ। १० हजार एमएएचको पावर बैंकको मूल्य १ हजार ८ सय ९९ रहेको छ। २० हजार एमएचको मूल्य ३ हजार १ सय ९९ रुपैयाँ तोकिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
