सिरियामा रासायनिक हतियार आक्रमण भएको ठाउँमा पुग्यो विशेषज्ञ टोली

समाचार

नेपाल लाइभ आइतबार, वैशाख ९, २०७५ ०३:३८

एजेन्सी- सिरियामा रासायनिक हतियार आक्रमण गरिएको भनिएको राजधानी दमास्कस नजिकैको डुमा भन्ने ठाउँमा अन्तर्राष्ट्रिय रासायनिक हतियार सम्बन्धी विशेषज्ञ पुगेका छन्।

अर्गनाइजेसन फर द प्रोहिबिजन अफफ केमिकल विपन्स (ओपिसिडब्ल्यू) ले डुमामा पुगेर रासायनिक हतियारको नमूना र अन्य प्रमाण संकलन गरेको छ।

डुमा अहिले सिरिया र रूसको नियन्त्रण छ। दुवै देशले त्यहाँ कुनै पनि प्रकारको रासायनिक हतियारको प्रयोग नगरेको बताउँदै आएका छन्।

गत अप्रिल ७ मा भएको रासायनिक आक्रमणमा ४० भन्दा बढी मानिसको मृत्यु भएको बताइएको थियो।

सिरियामा भइरहेका रासायनिक आक्रमणलाई विषय बनाउँदै संयुक्त राष्ट्र संघको सुरक्षा परिषदमा पटक-पटक चर्चा र आरोप-प्रत्यारोप चलेको थियो। यस लगत्तै अमेरिका, फ्रान्स र बेलायतले सिरियामा मिसाइल आक्रमण गरेका थिए।

ओपिसिडब्ल्यूले एक प्रेस विज्ञप्ति जारी गर्दै आफ्नो टिमले आक्रमण भएका ठाउँको निरीक्षण गर्दै संकलित नमूना परीक्षणका लागि द हेगको रिजस्विकमा रहेको प्रयोगशालामा पठाइएको जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

बालिकालाई सामूहिक बलात्कार गरेको आरोपमा चार जना पक्राउ

सेयर धितो कर्जाको जोखिम भार घट्यो

अनेरास्ववियुमा ३२ वर्षे उमेर हद लगाउने एमालेको निर्णय