श्रम-रोजगार

श्रममन्त्रीलाई व्यवसायी गुरुङको पत्र- म बोर्डको सदस्य बन्न असमर्थ छु

नेपाल लाइभ मंगलबार, असार २३, २०७७ १६:२०

काठमाडौं- वैदेशिक रोजगार व्यवसायी तथा कतार भिसा सेन्टरका सञ्चालक समेत रहेका हेम गुरुङले आफू वैदेशिक रोजगार बोर्डको सदस्य बन्न असमर्थ भएको भन्दै श्रम मन्त्रीलाई पत्राचार गरेका छन्।

मंगलबार उनले आफू वैदेशिक रोजगार बोर्डको सदस्य बन्न तत्कालका लागि असमर्थ भएको भन्दै श्रम, रोजगार तथा सामाजिक सुरक्षामन्त्री रामेश्वर राय यादवलाई पत्राचार गरेका हुन्।

पत्रमा भनिएको छ, ‘यस सम्मानित र मर्यादित बोर्डमा रहेर आफ्नो योग्यता र दक्षताअनुसारको परिणाममुखी कार्य गर्ने अभिष्ट हुँदाहुँदै पनि विश्वव्यापी रुपमा फैलिएको कोभिड १९ महामारीबाट सिर्जित विषम परिस्थिति र यसका कारण समग्र क्षेत्रमा पर्न गएको ऋणात्मक असरको अतिरिक्त वैदेशिक रोजगारको क्षेत्रमा देखिएको जटिलताका कारण र मेरे व्यक्तिगत अस्वस्थताका कारण समेत तत्कालका लागि वैदेशिक रोजगार बोर्डको सदस्य पदमा रहेर काम गर्न असमर्थ भएको व्यहोरा अनुरोध गर्दछु।’

मन्त्री यादवले व्यवसायी हेम गुरुङसहित अर्का स्वास्थ्य व्यवसायी तथा नेपाल स्वास्थ्य व्यवसायी महासंघका अध्यक्ष कैलाश खड्कालाई बोर्डको विज्ञ सदस्यको रुपमा मनोनित गरेका थिए।

यो पनि पढ्नुहोस्

कैलाश खड्का : प्रहरीको फरार सूचीदेखि वैदेशिक रोजगार बोर्डको सदस्यसम्मसोमबार, असार २२, २०७७

मन्त्री यादवले मनोनित गरेका यी दुईमध्ये गुरुङ सिण्डिकेट धारी र खड्का ठगीको आरोप लागेका व्यक्ति भएकाले वैदेशिक रोजगार बोर्डजस्तो संवेदनशील कार्यालयमा उनीहरुलाई मनोनित गर्नु उचित नभएको भन्दै टिकाटिप्पणी भएको थियो।

मन्त्री यादवले मनोनित गरेका गुरुङले कतार भिसा सेन्टर खडा गरि एकाधिकार जमाएको आरोप छ। खड्का मलेसिया जाने कामदारसँग अतिरिक्त शुल्क असुल्न बायोमेट्रिक प्रणाली भित्र्याउने मुख्य योजनाकार हुन्। यसअघि नेकपाकै सरकारले उनलाई वैदेशिक रोजगारीमा जाने कामदारमाथि अर्बौं रकम ठगी गरेको आरोपमा मुद्दा चलाएको थियो। पछि उनले अदालतबाट सफाइ पाएका थिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

पृथ्वीबाट खर्बौँ माइल टाढा रहेको ग्रहमा जीवन भएको 'आशालाग्दो सङ्केत'

तीन प्रतिष्ठानका रेक्टर र पोखराका डिनले पाए निमित्त उपकुलपतिको जिम्मेवारी

जुम्लावासीका समस्या समाधानका लागि संघीय सरकार प्रतिबद्ध : मन्त्री यादव