काठमाडौं- सरकारले चालु आर्थिक वर्ष २०७६/७७ को बजेट संशोधन गर्दै १३ खर्ब ८५ अर्ब ९५ करोड रूपैयाँ खर्च हुने अनुमान गरेको छ।
अर्थमन्त्री डा युवराज खतिवडाले गत जेठ १५ गते प्रतिनिधि सभामा १५ खर्ब ३२ अर्ब ९६ करोड ७१ लाख रुपैयाँको बजेट घोषणा गरेका थिए।
तर बजेट कार्यान्वयनमा आएको ६ महिनापछि अर्धवार्षिक समीक्षा गर्दै सरकारले बजेटको आकार करिब १० प्रतिशतले घटाएको हो।
अर्धवार्षिक समीक्षामा अर्थमन्त्री डा खतिवडाले ८० प्रतिशत विकास खर्च गर्ने लक्ष्य सार्वजनिक गरे।
चालु खर्च ९५ प्रतिशत र वित्तीय व्यवस्थातर्फ ९२ प्रतिशत खर्च हुने अनुमानसमेत मन्त्रालयले बुधबार बजेट समीक्षा गर्दै सार्वजनिक गरेको हो। यसैगरी राजस्व असुली लक्ष्यको ९५ दशमलव ५ प्रतिशत हुने मन्त्री खतिवडाले उल्लेख गरेका छन्।
मन्त्री खतिवडाले कुल बजेट १५ अर्ब ३२ अर्ब ९६ करोड ७१ लाखमध्ये समीक्षा अवधिसम्म ४ अर्ब २२ अर्ब ५५ करोड ६ लाख खर्च भएको जानकारी दिए।
.jpg)
यो कुल विनियोजनको २७ दशमलव ६ प्रतिशत हो। विनियोजित रकममध्ये सबैभन्दा बढी खर्च गर्ने मन्त्रालय युवा तथा खेलकुद रहेको छ।
कुन मन्त्रालयले कति गरे खर्च?
१ अर्थ मन्त्रालयः बजेट भाषणमार्फत् अर्थ मन्त्रालयलाई सरकारले २२ अर्ब ६६ करोड २१ लाख रुपैयाँ विनियोजन गरेको थियो। मन्त्रालयले ६ महिनामा २ अर्ब ७१ करोड ८८ लाख रुपैयाँ खर्च गरेको छ। यो कुल विनियोजित बजेटको १२ प्रतिशत मात्रै हो।
२. उद्योग, वाणिज्य तथा आपूर्ति मन्त्रालय
चालु आवमा उद्योग, वाणिज्य तथा आपूर्ति मन्त्रालयलाई सरकारले १० अर्ब ६२ करोड ४७ लाख रुपैयाँ विनियोजन गरेको थियो। मन्त्रालयले ६ महिनामा विनियोजित बजेटको १६ दशमलव २ प्रतिशत मात्रै खर्च गरेको छ। मन्त्रालयले ६ महिनामा १ अर्ब ७२ करोड ६५ लाख रुपैयाँ खर्च गरेको हो।
३. कृषि तथा पशुपन्छी विकास मन्त्रालय
यो मन्त्रालयलाई सरकारले कुल २८ अर्ब ९ करोड ३४ लाख रुपैयाँ विनियोजन गरेको थियो। विनियोजित बजेटमध्ये मन्त्रालयले ८ अर्ब १४ करोड ७९ लाख रुपैयाँ खर्च गरेको छ। खर्च रकम कुल बजेटको २९ प्रतिशत हो।
४.भूमि व्यवस्था, सहकारी तथा गरिबी निवारण मन्त्रालय
मन्त्रालयलाई सरकारले चालु आवका लागि ७ अर्ब ६८ करोड ७७ लाख रुपैयाँ बजेट विनियोजन गरेको थियो। ६ महिनासम्ममा मन्त्रालयले २ अर्ब ७ करोड २३ लाख मात्रै खर्च गरेको छ। यो कुल विनियोजित बजेटको २७ प्रतिशत हो।
५. श्रम, रोजगार तथा सामाजिक सुरक्षा मन्त्रालय
सरकारले यो मन्त्रालयलाई कुल ६ अर्ब ४० करोड ५२ लाख रुपैयाँ विनियोजन गरेको थियो। मन्त्रालयले ६ महिनाको अवधिमा कुल बजेटका ४ दशमलव १ प्रतिशत अर्थात् २६ करोड २३ लाख खर्च गरेको छ।
६.वन तथा वातावरण मन्त्रालय
सरकारले वन तथा वातावरण मन्त्रालयका लाथि १३ अर्ब ८३ करोड ९३ लाख रुपैयाँ विनियोजन गरेको थियो। मन्त्रालयले ६ महिनाको अवधिमा ३ अर्ब २५ करोड ६४ लाख रुपैयाँ खर्च गरेको छ। यो खर्च २३ दशमलव ५ प्रतिशत मात्र हो।
७.संस्कृति, पर्यटन तथा नागरिक उड्डययन
सरकारले यो मन्त्रालयका लागि ५ अर्ब २८ करोड २४ लाख रुपैयाँ विनियोज गरेको थियो। विनियोजित बजेटमध्ये मन्त्रालयले ६ महिनामा १ अर्ब १० करोड २१ लाख रुपैयाँ मात्रै खर्च गरेको छ। यो खर्च कुल बजेटको २० दशमलव ९ प्रतिशत हो।
८. संघीय मामिला तथा सामान्य प्रशासन मन्त्रालय
मन्त्रालयलाई सरकारले ३१ अर्ब ८२ करोड ४२ लाख रुपैयाँ विनियोजन गरेको थियो। समिक्षा अवधिसम्म मन्त्रालयले २ अर्ब ५७ करोड २५ लाख रुपैयाँ खर्च गरेको छ। यो विनियोजित बजेटको ८ दशमलव १ प्रतिशत मात्रै हो।
९. ऊर्जा, जलश्रोत तथा सिँचाइ मन्त्रालय
सरकारले यो मन्त्रालयलाई ४६ अर्ब ४८ करोड ३ लाख रुपैयाँ विनियोजन गरेको थियो। समिक्षा अवधिसम्ममा मन्त्रालयले ६ अर्ब ७० करोड २५ लाख रुपैयाँ मात्रै खर्च गरेको छ। यो कुल बजेटको १४ दशमलव ४ प्रतिशत मात्रै हो।
१०. सञ्चार तथा सूचना प्रविधि मन्त्रालय
सरकारले यो मन्त्रालयका लागि ६ अर्ब ३५ करोड ९३ लाख रुपैयाँ विनियोजन गरेको थियो। बजेटको अर्धवार्षिक समीक्षा अवधिसम्ममा मन्त्रालयले २ अर्ब ५५ करोड ७९लाख रुपैयाँ खर्च गरेको छ। यो खर्च भएको रकम कुल बजेटको ४० दशमलव २ प्रतिशत हो।
११. भौतिक पूर्वाधार तथा यातायात मन्त्रालय
बजेटमार्फत सरकारले यो मन्त्रालयका लागि १ खर्ब ५६ अर्ब ६३ करोड ३२ लाख रुपैयाँ विनियोजन गरेको थियो। जसमा मन्त्रालयले ६ महिनासम्मको अवधिमा ३१ अर्ब १० अर्ब ५२ करोड रुपैयाँ मात्रै खर्च गरेको छ। यो विनियोजित बजेटको १९ दशमलव ९ प्रतिशत मात्रै हो।
१२. सहरी विकास मन्त्रालय
सरकारले यो मन्त्रालयलाई ३६ अर्ब ४१ करोड ७६ लाख रुपैयाँ विनियोजन गरेको थियो। अर्धवार्षिक अवधिसम्ममा मन्त्रालयले जम्मा १० अर्ब २३ करोड २९ लाख रुपैयाँ खर्च गरेको छ। यो विनियोजित रकमको २८ दशमलव १ प्रतिशत मात्रै हो।
१३. राष्ट्रिय पुनर्निर्माण प्राधिकरण
सरकारले भूकम्पका संरचनाको विकास गर्न भन्दै प्राधिकरणका लागि १ खर्ब ४१ अर्ब १५ करोड ४६ लाख रुपैयाँ विनियोजन गरेको थियो। समिक्षा अवधिसम्म प्राधिकरणले २२ अर्ब २० करोड ५३ लाख रुपैयाँ मात्रै खर्च गरेको छ। खर्च गरेको रकम कुल बजेटको १५ दशमलव ७ प्रतिशत हो।
१४. स्वास्थ्य तथा जनसंख्या मन्त्रालय
यो मन्त्रालयलाई ४२ अर्ब ६७ करोड ९ लाख रुपैयाँ विनियोजन भएको थियो। ६ महिनासम्ममा मन्त्रालयले ९९ करोड ७६ लाख रुपैयाँ मात्रै खर्च गरेको छ। विनियोजित बजेटको २३ दशमलव ४ प्रतिशत मात्र मन्त्रालय खर्च गर्न सफल भएको हो।
१५. शिक्षा, विज्ञान तथा प्रविधि मन्त्रालय
सरकारले यो मन्त्रालयका लागि ६५ अर्ब २८ करोड १७ लाख रुपैयाँ रकम विनियोजन गरेको थियो। मन्त्रालयले ६ महिनाको अवधिमा १९ अर्ब ६७ करोड ९५ लाख रुपैयाँ खर्च गरेको छ। खर्च भएको रकम कुल बजेटको ३० दशमलव १ प्रतिशत मात्र हो।
१६. खानेपानी मन्त्रालय
मन्त्रालयका लागि सरकारले २५ अर्ब ३९ करोड ८५ लाख रुपैयाँ विनियोजन गरेको थियो। ६ महिनामा मन्त्रालयले २ अर्ब ६२ करोड १३ लाख रुपैयाँ मात्रै खर्च गरेको छ। खर्च भएको रकम कुल बजेटको १० दशमलव ३ प्रतिशत हो।
१७. महिला तथा जेष्ठ नागरिक मन्त्रालय
यो मन्त्रालयलाई सरकारले ७७ करोड ५५ लाख रुपैयाँ विनियोजन गरेको छ। मन्त्रालयले ६ महिनाको अवधिमा १३ करोड ९८ लाख रुपैयाँ खर्च गरेको छ। खर्च भएको रकम कुल बजेटको १८ प्रतिशत मात्रै हो।
१८. युवा तथा खेलकुद मन्त्रालय
सरकारले यो मन्त्रालयका लागि वार्षिक बजेटमार्फत् ३ अर्ब ४७ करोड ५१ लाख रुपैयाँ विनियोजन गरेको थियो। मन्त्रालयले ६ महिनाको अवधिमा २ अर्ब ७८ करोड ८० लाख रुपैयाँ खर्च गरेको छ। खर्च भएको रकम कुल बजेटको ८० दशमलव २ प्रतिशत हो। तेह्रौं दक्षिण एशियाली खेलकुद (साग) का लागि २ अर्ब ५० करोड ६६ लाख थप निकासा दिइएको र कार्यक्रमसमेत सम्पन्न भइसकेकाले अन्य मन्त्रालयका तुलनामा खर्च उच्च भएको अर्थ मन्त्रालयले जनाएको छ।
१९. प्रधानमन्त्री तथा मन्त्रिपरिषद्
बजेटमार्फत् यो मन्त्रालयलाई ४ अर्ब ६५ करोड ६८ लाख रुपैयाँ विनियोजन भएको थियो। जसमा मन्त्रालयले ५ महिनाको अवधिमा १ अर्ब ४४ करोड ३१ लाख रुपैयाँ मात्रै खर्च गरेको छ। खर्च भएको रकम कुल बजेटको ३१ प्रतिशत हो।
२०. रक्षा मन्त्रालय
सरकारले यो मन्त्रालयलाई बजेटमार्फत् ५० अर्ब २७ करोड ११ लाख रुपैयाँ विनियोजन गरेको थियो। जसमा ६ महिनाको अवधिमा मन्त्रालयले २४ अर्ब ३० करोड २१ लाख रुपैयाँ खर्च गरेको छ। खर्च भएको रकम कुल बजेटको ४८ दशमलव ३ प्रतिशत हो।
२१. गृह मन्त्रालय
सरकारले यो मन्त्रालयलाई १ खर्ब ३५ अर्ब ५९ करोड ३४ लाख रुपैयाँ विनियोजन गरेको थियो। ६ महिनामा मन्त्रालयले ५३ अर्ब १२ करोड ५२ लाख रुपैयाँ खर्च गरेको छ। खर्च भएको रकम कुल बजेटको ३९ दशमलव २ प्रतिशत हो।
२२. कानुन, न्याय तथा संसदीय व्यवस्था
सरकारले यो मन्त्रालयलाई ५० करोड ९१ लाख रुपैयाँ विनियोजन गरेको थियो। जसमा ६ महिनाको अवधिमा मन्त्रालयले १२ करोड ९१ लाख रुपैयाँ खर्च गरेको छ। खर्च भएको रकम कुल बजेटको २५ दशमलव ४ प्रतिशत हो।
२३. परराष्ट्र मन्त्रालय
सरकारले यो मन्त्रालयका लागि ६ अर्ब ५ करोड ८४ लाख रुपैयाँ विनियोजन गरेको थियो। जसमा ६ महिनाको अवधिमा मन्त्रालयले २ अर्ब ५१ करोड ६८ लाख रुपैयाँ खर्च भएको छ। खर्च भएको रकम कुल बजेटको ४१ दशमलव ५ प्रतिशत हो।
यो पनि:
रक्षात्मक अर्थमन्त्री
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
