आइतबार नेपाल लाइभमा प्रकाशित मुख्य समाचारहरू :
१. सुनसरीमा बस र हायस ठाेक्किँदा ४ काे मृत्यु
सुनसरी रामधुनी नगरपालिकाकाे तित्रृबनामा आइतबार बिहान करिब ६:३० बजे बस र हायस गाडी ठाेक्किँदा चार जनाकाे मृत्यु भएकाे छ।
इटहरीबाट इनरुवातर्फ जाँदै गरेको बा ५ ख ३१५७ नम्बरको हायस गाडी र इनरुवाबाट इटहरीतर्फ आउँदै गरेको ना ६ ख ७९५ नम्बरको बस आपसमा ठाेक्किएका हुन्।
थप समाचार- सुनसरीमा बस र हायस ठाेक्किँदा ४ काे मृत्यु
२. वुहानबाट नेपाल फर्किन १७० ले दिए आवेदन, ३ दिनभित्र नेपाल ल्याइने
कोरोना भाइरसबाट प्रभावित चीनको हुबेई प्रान्तबाट नेपाल फर्किन करिब १ सय ७० नेपालीले आवेदन दिएका छन्। बेइजिङस्थित नेपाली दूतावासका उपप्रमुख सुशीलकुमार लम्सालले आवेदनको अन्तिम रुजु गर्ने काम जारी रहेको जानकारी दिए ।
‘केही आवेदन दोहोरिएका छन्, त्यसलाई हामी अन्तिम रुजु गर्दैछौं,’ टेलिफोन सम्पर्कमा नेपाल लाइभसँग लम्सालले भने, ‘सबै मिलाउँदा करिब १ सय ७० जनाको आवेदन परेको छ ।’
थप समाचार- वुहानबाट नेपाल फर्किन १७० ले दिए आवेदन, ३ दिनभित्र नेपाल ल्याइने
३. अख्तियार विधेयकमाथि सांसदको टिप्पणी- मन्त्रिपरिषदका नाममा भ्रष्टाचार बढाउने कानुन किन?
संघीय संसदको माथिल्लो सदन राष्ट्रिय सभामा पेश भएको अख्तियार दुरुपयोग अनुसन्धान आयोग ऐन माथिको संशोधनमाथि सांसदहरुले आपत्ति जनाएका छन्।
आइतबारको बैठकमा बोल्ने सांसदहरुले संशोधन विधेयकमा रहेका कतिपय व्यवस्था संशोधन हुनुपर्ने माग गरेका छन्। विधेयकमाथिको सैद्धान्तिक छलफलमा भाग लिँदै सांसदहरुले संघीय मन्त्रिपरिषद् र प्रदेश मन्त्रिपरिषदको निर्णयमाथि अख्तियारले छानबिन गर्न नपाउने भनि गरिएको प्रस्तावप्रति आपत्ति जनाए।
थप समाचार- अख्तियार विधेयकमाथि सांसदको टिप्पणी- मन्त्रिपरिषदका नाममा भ्रष्टाचार बढाउने कानुन किन?
४. नेकपा केन्द्रीय कमिटिले पारित गर्यो अध्यक्षद्वयको राजनीतिक प्रतिवेदन
सत्तारुढ नेपाल कम्युनिस्ट पार्टी (नेकपा)को केन्द्रीय कमिटी बैठकले अध्क्षयद्वय केपी शर्मा ओली र पुष्पकमल दाहाल ‘प्रचण्ड’ ले पेस गरेको राजनीतिक प्रतिवदेन पारित गरेकाे छ।
गत बुधबारदेखि सुरु भएको बैठकमा अध्क्षद्वयका तर्फबाट प्रचण्डले राजनीतिक प्रतिवेदन पेस गरेका थिए । आइतबार बसेको नेकपा सचिवालय बैठकले राजनीतिक प्रतिवेदनमाथि उठेका प्रश्नको पार्टी अध्यक्ष प्रचण्डले जवाफ दिने निर्णय गरेको थियो । त्यसअनुसार राजनीतिक प्रतिवेदनमा उठेका विषयका बारेमा अध्यक्ष प्रचण्डले जवाफ दिएपछि राजनीतिक प्रतिवेदन पारित भएको हो।
थप समाचार- नेकपा केन्द्रीय कमिटिले पारित गर्यो अध्यक्षद्वयको राजनीतिक प्रतिवेदन
५. भारतको नयाँ राजनीतिक नक्सा अस्वीकार गर्ने नेकपाको निर्णय
सत्तारुढ नेपाल कम्युनिस्ट पार्टी (नेकपा)केन्द्रीय कमिटी बैठक विभिन्न ११ निर्णय गर्दै सकिएको छ। बैठकले गरेका निर्णयहरूमा भारतले जारी गरेको राजनीतिक नक्सा अस्वीकार गर्नेलगायत छन्।
यसअघि मंसिर अन्तिम साता बसेको सचिवालय बैठकले पनि भारतले जारी गरेको राजनीतिक नक्सा अस्वीकार गर्ने निर्णय गरेको थियो।
थप समाचार- भारतको नयाँ राजनीतिक नक्सा अस्वीकार गर्ने नेकपाको निर्णय
६. कांग्रेस जिल्ला सभापतिमा हारेका व्यक्ति नेविसंघ महामन्त्री
नेपाल विद्यार्थी संघको तदर्थ समितिमा आफ्नो पक्षलाई प्राप्त महामन्त्रीका नाम वरिष्ठ नेता रामचन्द्र पौडेल र कृष्णप्रसाद सिटौला पक्षले टुंग्याएको छ। आइतबार दुवै पक्षले नेविसंघ महामन्त्रीमा जाने नेताहरूको नामलाई अन्तिम रूप दिएका हुन्। सिटाैला पक्षले उपसभापतिसमेत टुंगाे लगाएकाे छ।
पाैडेल पक्षले प्रभात दाहाल, उर्मिला थपलिया र दीपक भट्टराईलाई महामन्त्री बनाउने निर्णय गरेको हो। दाहाल नेपाली कांग्रेसको गत महाधिवेशनमा मकवानपुर जिल्ला सभापतिमा पराजित भएका व्यक्ति हुन्।
थप समाचार- कांग्रेस जिल्ला सभापतिमा हारेका व्यक्ति नेविसंघ महामन्त्री
७. बालुवाटार जग्गा प्रकरणमा उच्च अदालत पाटनले मगायो मन्त्रिपरिषददेखि अख्तियारसम्मको निर्णय
उच्च अदालत पाटनले बालुवाटारको ११३ रोपनी सार्वजनिक जग्गा भू-माफियाको पक्षमा हुने जिल्ला अदालतको फैसलाविरुद्ध दायर भएको मुद्दामा मन्त्रिपरिषदको निर्णयदेखि भूमाफियाको पक्षमा गर्ने अख्तियार दुरुपयोग अनुसन्धान आयोगको निर्णय झिकाउने आदेश गरेको छ।
उच्च अदालत पाटनका मुख्य न्यायाधीश नहकुल सुवेदी र न्यायाधीश गुणराज ढुङ्गेलको इजलाशले सुनुवाइ गर्दै बालुवाटारकाण्डसँग जोडिएका पाँच फाइल मगाउने निर्णय गरेको हो।
थप समाचार- बालुवाटार जग्गा प्रकरणामा उच्च अदालत पाटनले मगायो मन्त्रिपरिषददेखि अख्तियारसम्मको निर्णय
८. भक्तपुरबाट ६ वर्षीया बालिका अपहरण, मुखमा टेप र हात बाँधेको अवस्थामा जंगलबाट उद्धार
भक्तपुरबाट अपरहणमा परेकी एक बालिकाको प्रहरीले सकुशल उद्धार गरेको छ। अपरहण भएको ५ घन्टाभित्रै प्रहरीले बालिकाको उद्धार गर्नुको साथै अपहरणमा संलग्न एक व्यक्तिलाई पनि पक्राउ गरेको छ।
पक्राउ पर्नेमा सर्लाहीको लालबन्दी नगरपालिका-५ घर भई भक्तपुर बोडे बस्ने २० वर्षीय आशिष थापा छन्। उनी अपहरणमा परेकी बालिकाका बुबाका मामाका छोरा हुन्।
थप समाचार- भक्तपुरबाट ६ वर्षीया बालिका अपहरण, मुखमा टेप र हात बाँधेको अवस्थामा जंगलबाट उद्धार र अपहरणकारी 'अंकल' : कुलतमा फसेका काकाले गरे ६ वर्षीया भतिजी अपहरण
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1700232974.jpg)
-1786602170.png)
