काठमाडौं– सञ्जीव न्यौपाने र एकता घिमिरेको बच्चाको उपचारमा क्रममा ग्रान्डी इन्टरनेशनल अस्पतालले धापासीले गल्ती गरेको प्रमाणित भएको छ। नेपाल मेडिकल काउन्सिलले छानविनका क्रममा उपचारमा संलग्न चिकित्सक र अस्पताल प्रशासनको समेत प्रशस्तै कमीकमजोरी भेटिएको जनाएको छ।
अस्पतालले मानवीय संवेदनशीलता र सावधानी नअपनाएको काउन्सिलको आचारसंहिता विपरितको कार्य ठहर गरेको छ।
बिरामी पक्षले दावी गर्दै आएको पारासिटामोलको ओभरडोज सही रहेको काउन्सिलको छानविनमा देखिएको छ। यसैगरी अल्ट्रा साउन्ड गर्दा बच्चाको मस्तिष्कमा देखिएको हाइड्रोसेफालसको आकारबारे रेडियोलोजिस्ट र न्युरो सर्जनको बुझाइमा फरक देखिएको र यसबारे बिरामी पक्षलाई राम्ररी नबुझाइएको बताइएको छ र मस्तिष्कको अल्ट्रासाउन्डपछि रेडियोलोजिस्टको सुझावअनुसार सिटी स्क्यान अथवा एमआरआई गर्न ढिलाइ भएको समेत काउन्सिलको निष्कर्षमा उल्लेख छ।
डा गणेश राई नेतृत्वको विज्ञ समूहले उक्त घटना अध्ययन गरी प्रतिवेदन दिएको थियो । सोही आधारमा काउन्सिलले उपचारमा संलग्न, न्युरो शल्य चिकित्सक एवं बालरोगसँग सम्बन्धित चिकित्सक टिम, स्वास्थ्यकर्मीहरु र अस्पताल व्यवस्थापन समेतलाई कारबाही गर्ने निर्णय गरेको छ।
कारबाहीको पहिलो चरण अन्तर्गत सवैलाई स्पष्टिकरण सोध्ने निर्णय गरेको छ। २०७५ असार १२ गते एकताको शल्यक्रिया गरी बच्चा जन्मिएको थियो। बच्चा जन्मेको आधा घन्टामै एनआइसियुमा राखिएको थियो। भेन्टिलेटरमा राख्दा बच्चालाई अस्पतालमा हुने ‘क्लेबसियलाु ब्याक्टेरियाको संक्रमण भएर अवस्था बिग्रँदै गएपछि पाँच पटकसम्म टाउकाको शल्यक्रिया गरिएको थियो। उपचारको क्रममा लापरबाही भएको भन्दै सञ्जीवले मेडिकल काउन्सिलमा उजुरी हालेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
