काठमाडौं– नेपाल एयरलाइन्समा वाई–१२ जहाज उडान गर्दै आएका आइपी (प्रशिक्षक) पाइलट आङनुरी शेर्पाले नाटकीय रोल खेल्न थालेका छन्। आङनुरीको नाटकीय रोलको श्रृंखला भने २०७४ असारपछि सुरु भएको हो।
खुला प्रतिस्पर्धाबाट आङनुरी नेपाल एयरलाइन्समा नवौं तहको सिनियर पाइलटको रुपमा सन् २०१४ मा प्रवेश गरेका थिए। नेपाल एयरलाइन्स प्रवेश गरेपछि नुरी नेपाल एयरलाइन्सको खर्चमा २०१४ डिसेम्बरमा वाई–१२ जहाज उडानको तालिमका लागि चीन गएका थिए। तालिममा चीन जाँदा नुरीले तालिममा लाग्ने ३० लाख रुपैयाँ प्रतिवर्ष ५ लाख रुपैयाँका दरले ६ वर्षमा चुक्तान गर्नेगरी सम्झौता गरेका थिए।
तर, नेपाल एयरलाइन्सको २०७४ असार २१ गते बसेको सञ्चालक समितिको बैठकले शेर्पालाई अयोग्य भनेर बर्खास्त गरेको थियो। शेर्पा अमेरिकी ग्रिनकार्ड होल्डर भएका थाहा भएसँगै जागिरबाट निगममा सधैँका लागि स्थायी सेवामा अयोग्य हुनेगरी बर्खास्त भएका थिए।
बर्खास्त गर्दासम्म नुरीले लगभग ३ वर्ष सेवा गरेका थिए। ३ वर्षको सेवाबाट उनले नेपाल एयरलाइन्सलाई १५ लाख रुपैयाँ मात्रै बुझाएका थिए। यसै बीचमा फेरि निगमले नुरीलाई वाई–१२ जहाजको आइपी पाइलट बनाउन भन्दै २०१५नोबेम्बरमा चीन पठाएको थियो।
आइपी पाइलट बनाउनकै लागि निगमले १० देखि १२ लाख रुपैयाँ खर्च गरेको थियो। निगमले जागिरबाट बर्खास्त गर्दासम्मको अवधिमा लिएको तालिममा भएको खर्च बाँकी रकम मात्रै २७ लाख रुपैयाँ नुरीसँग लिनुपर्ने भइसकेको थियो। तर, फेरि निगमले व्यवस्थापनले नुरीलाई मासिक झन्डै १० लाख रुपैयाँमा करार पाइलटको रुपमा ४ वर्षको सेवा अवधि तोकेर नियुक्ति दिएको थियो।
करार पाइलटको रुपमा नियुक्ति दिँदै निगमले व्यवस्थापनले निगमलाई नुरीले तिर्न बाँकी रहेको रमक प्रत्यक महिनाको तलबबाट कटौती गर्दै जाने भनेर सम्झौता गरेको थियो।
निगमबाट सधैंका लागि अयोग्य ठहर सहित बर्खास्त भएका पाइलट नुरीलाई फेरि २०७४ सालमै तत्कालीन महाप्रबन्धक सुगतरत्न कंसाकारले करारमा १० लाख तलब पाउनेगरी भित्र्याएका थिए।
यसरी निगममा पुनः दोस्रो पटक निगम प्रवेश गरेका पाइलट आङनुरी सधैंजस्तो निगमसँग बार्गेनिङ गर्न थालेका छन्। वाई–१२ जहाज उडान गरिरहेका पाइलट आङनुरीले अप्रिल ३ मा चीन गएर आफ्नो पिपिसी (सिप परीक्षण प्रमाणपत्र) नवीकरण गरेका थिए। प्रमाणपत्र नवीकरण गरेर आएका पाइलट आङनुरी बिना सूचना पुनः निगम व्यवस्थापनलाई कुनै सूचना नदिई अप्रिल ७ मा अमेरिका पलायन भए।
नुरीको अमेरिका पलायनसँगै ४ वटामध्ये उडान गर्न योग्य ३ वटै वाई–१२ जहाज ग्राउन्डेड भए। बिना सूचना अमेरिका गएका आङनुरी अप्रिल २८ मा पुनः निगमै फिर्ता भए। निगमले पनि उनलाई फेरि काम गर्ने अवसर दियो। तर, बिना सूचना आङनुरी अमेरिका गएपछि नेपाल वायुसेवा निगमका कार्यकारी अध्यक्ष मदन खरेलले उनले आफूहरुलाई धोका दिएको बताएका थिए। तर, झन्डै एक महिनापछि उनी निगम फर्केर जहाज उडान गर्न थाले।
यसैबीच उनले वाई–१२ जहाज उडान गरिरहेको दुई जना को–पाइलटको पिपिसी नवीकरण गरिदिए। तर, वाई–१२ जहाज उडान गर्दै आएका दुई पाइलट सञ्जय वादे र नृपेन्द्र भट्टराईको पिपिसी नवीकरण गर्न सकेन। वादेले पुसदेखिको सेवासुविधाको माग राख्दै पिपिसी नवीकरण गर्न मानेन। भट्टराईको पनि पिपिसी नवीकरण हुन सकेन।
यसैबीच निगम व्यवस्थापनले 'तँ रोए जस्तो गर हामी कुटे जस्तो गर्छौं' भन्दै बिना सूचना अमेरिका गएको विषयमा स्पष्टीकरण सोध्यो। निगमले स्पष्टीकरण सोधेपछि पुनः आङनुरीले मे १९ अपरेसन विभागमा आफ्नो राजिनामा बुझाए। अपरेसन विभागले त्यही दिन हिसाबकिताब गरी आङनुरीलाई विदाई गरिदिन मिल्ने भन्दै एचआर विभागमा उनको राजिनामाको विवरण पठायो। तर, एचआर विभागले उनको राजिनामा पत्र दराजमा राख्यो। कुनै निर्णय गरेन।
त्यसपछि आङनुरी पुनः २८ तारिकमा नेपाल फर्के। नेपाल फर्केपछि एक साता अगाडि मात्रै उनी फेरि निगम प्रवेश गरे। निगम प्रवेश गरेका आङनुरीलाई कार्यकारी अध्यक्ष खरेलले १५ लाख रुपैयाँ दिँदै एटिओ (स्वीकृत प्रशिक्षक संगठन) अर्थात नयाँ प्रवेश गरेका पाइलटलाई अपरेसन अन्तर्गतको ग्राउन्ड तालिम दिने संस्थाको प्रशिक्षको रुपमा नियुक्ति गरेको बताउन थालेका छन्।
तर, यो पनि सरासर झुट हो। किनकी अहिले वाई–१२ जहाज उडानका लागि ग्राउन्ड तालिम लिइरहेको फिजियोनाथ नेपाली र केबी लिम्बुको तालिम पनि इन्जिनियर मनोज शाह र अमृत थापाले कक्षा लिइरहेका छन्। यसरी कक्षा लिएइका पाइलटहरुको तालिम सकिएपछि नेपाल नागरिक उड्डयन प्राधिकरणबाट स्वीकृत भएको अवस्थामा मात्रै उनीहरुलाई ५० घन्टा जहाज उडान गराउने जिम्मा आङनुरीको हुन्छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
