काठमाडौं- राष्ट्रिय ध्वाजबाहक नेपाल एयरलाइन्सका प्रशिक्षक पाइलट (आइपी) आङनुरी शेर्पा अमेरिका पलायन भएसँगै वाई–१२ जहाज १८ दिनदेखि ग्राउन्डेड भइसकेका छन्।
यो सँगै ग्राउन्डेड भएका ४ वटै वाई–१२ जहाज अब करिब ६ महिनासम्म उडान नहुने गरी ग्राउन्डेड हुने निश्चित भइसकेको छ।
शेर्पा वाई–१२ जहाज एक मात्रै आइपी पाइलट हुन्। शेर्पाले यही अप्रिल ३ मा चीन गएर आफ्नो पीपीसी(सिप परीक्षण प्रमाणपत्र) नवीकरण गरेका थिए। तर, शेर्पाले वाई–१२ जहाज उडान गरिरहेको सिनियर पाइलट सन्जय बादेको पिपिसी नवीकरण र नृपेन्द्र भट्टराईको रुट चेक नगरिदिएका कारण जहाज ग्राउन्डेड भएको हो। शेर्पा अमेरिकी ग्रिनकार्ड होल्डर समेत हुन्।
पाइलटका लागि दिनुपर्ने सबै प्रकारको तालिम तथा प्रमाणपत्र आइपी पाइलटबाट नै जारी हुनपर्छ। अहिले शेर्पा अमेरिका गएपछि सबै काम रोकिएको छ। शर्पाले बादेको पिपिसी प्रमाणपत्रको म्याद सकिएको २ महिना हुँदा पनि नवीकरण गर्न कुनै चासो दिएका थिएनन्। बादेले बारम्बार शर्पोसँग पिपिसी नवीकरण गरिदिन आग्रह गर्दा शर्पाले हुन्छ हुन्छ भनी अन्त्यमा कुनै प्रक्रिया नै नगरी अमेरिका प्रस्थान गरेको हुन्।
वाई-१२ जहाजका अर्का पाइलट भट्टराईको भने प्रत्येक वर्षमा हुनुपर्ने रुट चेक नहुँदा जहाज उडान गर्न पाएका छैनन्। भट्टराईको रुट चेक नुहँदा जहाज १८ दिनदेखि ग्राउन्डेड भएको हो। रुट चेक पनि आइपी पाइलटबाटै हुनुपर्छ। आइपी पाइलट शेर्पा अमेरिका गएसँगै अब तत्कालै नयाँ आइपी पाइलट पाउन सक्ने अवस्था पनि नरहेको नेपाल एयरलाइन्स स्रोत बताउँछ।
नेपाल एयरलाइन्सको २०७४ असार २१ गते बसेको सञ्चालक समितिको बैठकले शेर्पालाई अयोग्य भनेर बर्खास्त गरेको थियो। शेर्पा अमेरिकी ग्रिनकार्ड होल्डर भएका थाहा भएसँगै जागिरबाट निगमका सधैँका लागि अयोग्य हुने गरी बर्खास्त भएका थिए। तर, पछि फेरि उनलाई व्यवस्थापनले मासिक झन्डै १० लाख रुपैयाँमा जागिर दिएको थियो। अहिले फेरि नेपाल एयरलाइन्सकै खर्चमा पिपिसी नवीकरण गरेर अमेरिका पलायन भएका छन्। तर, जहाज उडाइरहेका पाइलटको आवश्यक कुनै पनि काम नगरी अमेरिका जाँदा जहाज नै ग्राउन्डेट भएको स्रोत बताउँछन्।
निगमसँग ४ वटा वाई–१२ जहाज भएपनि अहिले अब दुई जना मात्रै पाइलट मात्रै छन्। भएका पाइलटका पनि भट्टराईको रुट चेक र बादेको पिपिसी नवीकरण हुन नसक्दा उनीहरुले पनि जहाज उडाउन नपाउने भएका छन्। अब निगमले नयाँ आइपी पाइलट तयार गर्न पनि अहिले वाई १२ जहाज नै उडाइरहेको लाइन पाइलटलाई अपग्रेड गर्ने हो भने सामान्यत ४ देखि ६ महिना लाग्छ। अन्य फिडबाट ल्याएका पाइलटलाई आइपी पाइलट बनाउन पनि फेरि आइपी पाइलटले नै तालिम दिनपर्छ।
यता नेपाल वायुसेवा निगमका कार्यकारी अध्यक्ष मदन खरेलले जिम्मेवारी समालेसँगै चिनियाँ वाई–१२ जहाज उडानका लागि भन्दै दर्जन विमानस्थलका परीक्षण गरेको थिए। तर, आज पाइलट अभावको कारण सबै जहाज ग्राउन्डेड भएको छ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।