फिदिम- पाँचथर सदरमुकाम फिदिममा नेपाली कांग्रेसका संस्थापक नेता बिपी कोइरालाको निर्माणाधीन पूर्ण कदको शालिक बजेट अभावले अलपत्र परेको छ।
वि. सं. २०५५ सालदेखि शालिक बनाउने अवधारणा बनाइएपनि निर्माण कार्यले झिनो गति २०६३ पछि मात्र लिएको थियो। पूर्व राष्ट्रपति डा रामशरण महत स्वास्थ्यमन्त्री भएको समयमा वि. सं. २०५६ मा बिपीको शालिक बनाउन पाँचथर जिल्ला अस्पताको जग्गा जग्गा प्रदान गर्ने निर्णय भएको थियो।
बिपी कोइराला स्मृति प्रतिष्ठानको अग्रसरतामा बन्न लागेको शालिक निर्माणस्थलको जग्गाको क्षेत्रफल १ रोपनी, १२ आना ३ पैसा रहेको छ। शालिकसहित आसपासमा बगैंचा, पानीको फोहरा र चारैतिर बेन्च राख्ने निर्माण समितिका अध्यक्ष श्यामविक्रम पराजुलीले जानकारी गराए।
निमार्णाधीन शालिकको चारैतर्फ तारबारको काम सकिएको छ।
बार निर्माणको काम २०७४ मा सकिएको थियो। तर, पानीको फोहरा छुट्ने पोखरी अलपत्र अवस्थामा छ।
.JPG)
निर्माणका लागि ल्याइएका ढुङ्गा यत्रतत्र छरिएको छ। शालिकलाई कपडाले छोपिएको छ।
.JPG)
शालिकका लागि ९ लाख खर्चिएको निर्माण समिति अध्यक्ष पराजुलीले जानकारी गराए।
४० लाख रुपैयाँभन्दा बढी रकम खर्च गरिएको शालिकको अन्तिम चरणको काम सकिन थप ३० लाख रुपैयाँ आवश्यक रहेको पराजुलीले बताए। बजेट अभावले शालिक अनावरण गर्न नसकिएको बताउँदै उनले भने, ‘बजेटका लागि पटकपटक प्रस्ताव गरेपनि आवश्यक बजेट प्राप्त हुन सकेको छैन।’
निःशुल्क प्रवेश गरी सर्वसाधारणलाई शालिक अवलोकन तथा बगैंचामा बस्ने व्यवस्था मिलाउने प्रतिष्ठानको तयारी छ। पार्कमा निःशुल्क वाइफाइको व्यवस्था गरिने पराजुलीले जानकारी गराए। समय बिताउन शालिकस्थल उपयुक्त बनाइने पराजुलीको दाबी छ।
.JPG)
फिदिमको मध्यभागमा रहेको शालिकस्थल वरपर सरकारी प्रशासनिक भवन रहेका छन्।
फिदिम नगरपालिकाले हालसम्म ५ लाख रुपैयाँ शालिक निर्माणको लागि प्रदान गरेको छ। नेपाली कांग्रेस पाँचथरका जिल्ला सचिव रुपनारायण जबेगुले शालिक निर्माणलाई बजेट अभाव हुन नदिने वचन दिए।
फिदिमका मेयर ओनहाङ नेम्बाङका सल्लाहकारसमेत रहेका जबेगुले यसै वर्षको बजेटबाट शालिकसहितको बगैंचा निर्माणको काम पूरा हुने बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791645793.png)
-1786602170.png)
-1791090469.jpeg)
