सिरहामा प्रहरीलाई गोली हान्ने तीन जना धनुषामा पक्राउ

ब्लग

नेपाल लाइभ सोमबार, मंसिर ११, २०७४ १५:१४

सिरहा– आइतबार सिरहामा प्रहरीलाई गोली हान्ने तीन जना सोमबार धनुषामा पक्राउ परेका छन्।

प्रहरीले शिव राय, सुरेन्द्र राय र मनोज रायलाई धनुषामा पेस्तोलसहित पक्राउ गरेको हो। चेकिङमा पक्राउ पर्ने डरले गोली हानिएको प्रारम्भिक अनुसन्धानमा खुलेको छ।

सिरहाको कल्याणपुरमा नियमित गस्तीमा रहेका प्रहरीमाथि एक समूहले गोली हानेका थिए । गोली लागेर प्रहरी जवान मायाराम यादव र म्यादी प्रहरी आदर्श यादव घाइते भएका थिए। पक्राउ परेकाहरुलाई जिल्ला ल्याएर अनुसन्धानको तयारी भइरहेको जिल्ला प्रहरी कार्यालय सिरहाका डिएसपी राजन भेटवालले बताए।

प्रारम्भिक अनुसन्धानमा उनीहरु कुनै आपराधिक योजनाले हिँडेको र गस्तीमा रहेको प्रहरीले पक्राउ गर्ने देखेपछि गोली चलाएको खुलेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

राष्ट्रिय परिचयपत्र विवाद: आज सर्वोच्चको फैसला आउने

सुनको मूल्य घट्यो

आफैं सक्षम भइसकेकाहरुका लागि आरक्षण कोटा बन्द गर्नुपर्छ : वर्षमान