भोजपुरका सात मतदान केन्द्रको जिम्मा महिलालाई

ब्लग

नेपाल लाइभ शनिबार, मंसिर ९, २०७४ २०:२९

भोजपुर- आइतबार हुने निर्वाचनका लागि भोजपुरका सात मतदान केन्द्रको जिम्मेवारी महिलालाई दिइएको छ।

प्रदेशसभा र प्रतिनिधिसभा निर्वाचनको मतदान अधिकृतमा सात महिला नियुक्त गरिएको मुख्य निर्वाचन अधिकृतको कार्यालयले जनाएको छ। भोजपुरमा एक लाख १३ हजार ७४५ मतदाता छन्।

८७ मतदानस्थल र १४८ मतदान केन्द्र रहेको भोजपुरमा रामप्रसाद राई गाउँपालिकाको बेहेरेश्वर केन्द्रमा सीता राई, भुल्के केन्द्रमा यमकुमारी राईलाई खटाइएको छ भने हतुवागढी गाउँपालिकाको शान्ति निकेतन केन्द्रको जिम्मा गीता ढकाललाई दिइएको छ।

यस्तै, साल्पासिलिछो गाउँपालिकाको सालेवा केन्द्रमा रोजु भुजेल तथा षडानन्द नगरपालिकाको केन्द्रमा पुष्पलता उप्रेती, सरस्वती पौडेल र मीना खत्रीलाई जिम्मेवारी दिइएको सहायक निर्वाचन अधिकृत मणिराम पोखरेलले बताए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सुप्रिम सहकारी ठगी प्रकरणमा रवि लामिछानेसहित ४२ जनाविरुद्ध मुद्दा दायर

यू–१९ महिला विश्वकप: भारतीय स्पिनरसामु वेस्टइन्डिजका ब्याटर स्तब्ध, ४४ रनमै समेटियो

यो सरकार आगामी निर्वाचनसम्म जानेमा ढुक्क रहदा हुन्छ: गृहमन्त्री लेखक