भोजपुरमा बम विस्फोट हुँदा युवा संघका कार्यकर्ता घाइते

ब्लग

नेपाल लाइभ शनिबार, मंसिर २, २०७४ १७:५५

भोजपुर– अज्ञात समूहले राखेको बम विस्फोट हुँदा भोजपुरमा युवा संघका एक कार्यकर्ता गम्भीर घाइते भएका छन्।

भोजपुरका सचिवालय सदस्य तथा टेम्केकैयुङ गाउँपालिकाका गाउँ पार्टी सचिव ३३ वर्षीय विक्रम राई घाइते भएका हुन्। षडानन्द नगरपालिका दिङलाबाट चुनावी सभा सकेर मोटरसाइकलमा सदरमुकाम भोजपुर फर्कंदै गर्दा षडानन्द–८ भिरथाप्लामा राखिएको बम पड्किएको प्रहरीले जनाएको छ।

टाउकोमा गम्भीर चोट लागेका राई अचेत रहेको र उनलाई उपचारका लागि हेलिकप्टोरबाट काठमाडौं ल्याउने तयारी भइरहेको जिल्ला पार्टी कार्यालयका सचिव शरणकुमार राईले जानकारी दिए।

घटनाबारे थप अनुसन्धान भइरहेको जिल्ला प्रहरी कार्यालय भोजपुरका प्रहरी निरीक्षक गीतनारायण चौधरीले बताए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

मदन भण्डारी राजमार्गको पूर्वी खण्डमा ४२ किलोमिटर सडक कालोपत्र, कँहा कँहा कति भइसक्यो ?

एमालेमा फर्किँदै बामदेव गौतम

धोविखोला करिडोरमा सरकारी जग्गा अतिक्रमण गरेर बनाइएका संरचना भत्काइयो